3 Nefi

Imibhalo Lengcwele

INcwadzi yaMormon

Contents
Sendvulelo naboFakazi
1 Nefi
2 Nefi
Jakobe
Enoshi
Jaromu
Omni
EmaVi aMormon
Mosiya
Alma
Helamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

3 Nefi

Sehluko 1
Nefi, indvodzana yaHelamani, iyesuka eveni, indvodzana yakhe Nefi igcina imibhalo—Noma tibonakaliso netimangaliso titinyenti, lababi bahlela kubulala labalungile—Busuku bekutalwa kwaKhristu buyefika—Sibonakaliso siyaniketwa, nenkhanyeti lensha iyavela—Emanga nenkhohliso kuyandza, netigebengu taGadiyantoni tibulala labanyenti. Cishe ngemnyaka weNkhosi weku-1–4.
Sehluko 2
Bubi kanye netinengiso kuyandza emkhatsini webantfu—EmaNefi kanye nemaLamani ayahlangana kute ativikele etigebengwini taGadiyantoni—EmaLamani laphendvukile aba mhlophe futsi abitwa ngekutsi ngemaNefi. Cishe ngemnyaka weNkhosi wesi-5–16.
Sehluko 3
Gidiyani, umholi wemaGadiyantoni, ufuna kutsi Lakhonewusi nemaNefi batinikele kanye nemave abo—Lakhonewusi ubeka Gidgidoni njengendvuna lenkhulu yemabutfo—EmaNefi abutsana eZarahemla kanye naseNala kute ativikele. Cishe ngemnyaka weNkhosi weli-16–18.
Sehluko 4
Emabutfo emaNefi ayatehlula tigebengu taGadiyantoni—Gidiyani uyabulawa, futsi nalowamlandzela esikhundleni sakhe, Zemnariha, uyalengiswa—EmaNefi ayayidvumisa iNkhosi ngekuncoba kwawo. Cishe ngemnyaka weNkhosi weli-19–22.
Sehluko 5
EmaNefi ayaphendvuka futsi ayatishiya tono tawo—Mormon ubhala umlandvo webantfu bakubo uphindze umemetela livi laphakadze kubo—Israyeli utawugcogcwa ekusakatweni kwakhe kwesikhatsi lesidze. Cishe ngemnyaka weNkhosi wema-22–26.
Sehluko 6
EmaNefi ayaphumelela—Kutikhukhumeta, kunotsa, kanye nekwehlukanisana ngekwetigaba kuyacala—LiBandla liyahlukana ngenca yekuphikisana—Sathane uholela bantfu ekutseni bavukelane ngalokusobala—Baphrofethi labanyenti bamemetela kuphendvuka futsi bayabulawa—Babulali babo benta sigungu sekutsatsa umbuso. Cishe ngemnyaka weNkhosi wema-26–30.
Sehluko 7
Umehluleli lomkhulu uyabulawa, umbuso uyashabalaliswa, nebantfu bayehlukana baba tive—Jakobe, umphikaKhristu, uba yinkhosi yelicembu leliyimfihlo—Nefi ushumayela kuphendvuka kanye nelukholo kuKhristu—Tingilosi tiyamsita malanga onkhe, futsi uvusa umnakabo ekufeni—Labanyenti bayaphendvuka baphindze bayabhajatiswa, Cishe ngemnyaka weNkhosi wema-30–33.
Sehluko 8
Tiphepho, kutamatama kwemhlaba, imililo, tivunguvungu, kanye nekubhedvuka kwemvelo kufakazela kubetselwa kwaKhristu—Bantfu labanyenti bayafa—Bumnyama bumbonya live emalanga lamatsatfu—Labo labasele balilela simo sabo. Cishe ngemnyaka weNkhosi wema-33–34.
Sehluko 9
Ebumnyameni, livi laKhristu limemetela kubhujiswa kwebantfu labanyenti kanye nemadolobha ngenca yebubi babo—Ngetulu kwaloko umemetela ngebuNkulunkulu Bakhe, watisa kutsi umtsetfo waMosi sewugcwalisekile, futsi umema bantfu kutsi bete Kuye baphindze basindziswe. Cishe ngemnyaka weNkhosi wema-34.
Sehluko 10
Kukhona kuthula eveni emahora lamanyenti—Livi laKhristu letsembisa kugcogca bantfu Bakhe njengesikhukhukati sifukamela emantjwele aso—Incenye lenkhulu yebantfu labalungile ilondvolotiwe. Cishe ngemnyaka weNkhosi wema-34–35
Sehluko 11
Babe ufakaza ngeNdvodzana Yakhe leTsandzekako—Khristu uyavela futsi umemetela ngeNhlawulo yakhe—Bantfu beva emanceba etandleni kanye nasetinyaweni Takhe kanye naseluhlangotsini—Bayakhala batsi Hosana—Ubeka sobala luhlelo kanye nendlela yembhabhatiso—Umoya wencabano wadeveli—Imfundziso yaKhristu kutsi bantfu kufanele bakholwe futsi babhajatiswe baphindze bemukele Moya loNgcwele. Cishe ngemnyaka weNkhosi wema-34.
Sehluko 12
Jesu ubita uphindze unika ligunya kubafundzi labalishumi nakubili—Wetfula inkhulumo kumaNefi lefanako neNshumayelo yaseNtsabeni—Ukhuluma ngeTibusiso—Timfundziso takhe tendlula futsi tibaluleke kakhulu kunemtsetfo waMosi—Bantfu bayaletwa kutsi baphelele njengobe Naye kanye naBabe Wakhe baphelele—Catsanisa naMatewu 5. Cishe ngemnyaka weNkhosi wema-34.
Sehluko 13
Jesu ufundzisa emaNefi uMthandazo weNkhosi—Kufanele babeke emagugu abo ezulwini—Bafundzi labalishumi nakubili emsebentini wabo bayaletwa kutsi bangacabangi ngetintfo letitidzingo tesikhashana—Catsanisa naMatewu 6. Cishe ngemnyaka weNkhosi wema-34.
Sehluko 14
Jesu uyaleta kutsi: Ningehluleli; cela kuNkulunkulu; caphelani baphrofethi bemanga—Wetsembisa insindziso kulabo labenta intsandvo yaBabe—Catsanisa naMatewu 7. Cishe ngemnyaka weNkhosi wema-34.
Sehluko 15
Jesu umemetela kutsi umtsetfo waMosi ugcwalisekile Kuye—EmaNefi anguletinye tetimvu lakhuluma ngato eJerusalema—Ngenca yebubi, bantfu beNkhosi labaseJerusalema abati ngetimvu letihlakatekile taka-Israyeli. Cishe ngemnyaka weNkhosi wema-34.
Sehluko 16
Jesu utawuvakashela letinye tetimvu letilahlekile taka-Israyeli—Ngemalanga ekugcina livangeli litawuhamba liye kubeTive bese liya kuyo indlu yaka-Israyeli—Bantfu beNkhosi batawutibonela ngewabo emehlo uma abuyisa iSiyoni futsi. Cishe ngemnyaka weNkhosi wema-34.
Sehluko 17
Jesu uyala bantfu kutsi bazindle ngemavi Akhe futsi bathandazele kuwacondza—Uphilisa labagulako babo—Uthandazela bantfu, asebentisa lulwimi lolungeke lubhalwe—Tingilosi tiyabasebentela futsi umlilo utungeleta bantfwana babo. Cishe ngemnyaka weNkhosi wema-34.
Sehluko 18
Jesu usungula sidlo seNkhosi emkhatsini wemaNefi—Bayaletwa kutsi bathandaze ngaso sonkhe sikhatsi egameni Lakhe—Labo labadla umtimba Wakhe baphindze banatse ingati Yakhe ngalokungakafaneli bayalahlwa—Bafundzi baniketwa emandla ekuniketa Moya loNgcwele. Cishe ngemnyaka weNkhosi wema-34.
Sehluko 19
Bafundzi labalishumi nakubili bafundzisa bantfu baphindze bathandazela kuba naMoya loNgcwele—Bafundzi bayabhajatiswa baphindze batfola Moya loNgcwele kanye nekusetjentelwa tingilosi—Jesu uyathandaza usebentisa emavi langeke abhalwe—Ufakaza ngelukholo lolukhulu lwalamaNefi. Cishe ngemnyaka weNkhosi wema-34.
Sehluko 20
Jesu uniketa sinkhwa kanye neliwayini ngalokusimangaliso uphindze ubusisela bantfu sidlo seNkhosi—Insali yakaJakobe itawufinyelela ekuyatini iNkhosi Nkulunkulu wayo futsi iyawutfola emave aseMelika abe lifa—Jesu ngumphrofethi njengaMosi, futsi emaNefi abantfwana bebaphrofethi—Labanye bebantfu beNkhosi batawugcogcelwa eJerusalema. Cishe ngemnyaka weNkhosi wema-34.
Sehluko 21
Israyeli uyawugcogcwa ngesikhatsi sekuvela iNcwadzi yaMormon—BeTive bayawucinisekiswa njengebantfu labakhululekile eMelika—Bayawusindziswa uma bakholwa futsi balalela; kungenjalo, bayawususwa baphindze bashabalaliswe—Israyeli uyawukwakha iJerusalema leNsha, tive letilahlekile tiyawubuya. Cishe ngemnyaka weNkhosi wema-34.
Sehluko 22
Ngemalanga ekugcina, iSiyoni kanye netikhonkhwane tayo kuyawubekwa, na-Israyeli utawugcogcwa ngebubele kanye nangebumnene—Batawuncoba—Catsanisa na-Isaya 54. Cishe ngemnyaka weNkhosi wema-34.
Sehluko 23
Jesu uyawavuma emavi a-Isaya—Uyaleta bantfu kutsi bawahlolisise emavi ebaphrofethi—Emavi aSamuweli umLamani mayelana neKuvuka ahlanganiswa nemibhalo yabo. Cishe ngemnyaka weNkhosi wema-34.
Sehluko 24
Sitfunywa seNkhosi sitawulungisa indlela yeKubuya kwesiBili—Khristu utawuhlala esihlalweni sekwehlulela—Israyeli uyaletwa kutsi akhokhe kwelishumi neminikelo—Incwadzi yesikhumbuto iyagcinwa—Catsanisa naMalakhi 3. Cishe ngemnyaka weNkhosi wema-34.
Sehluko 25
NgeKubuya kwesiBili, labatigcabhako kanye nalababi batawushiswa njengemabibi—Elija utawubuya ngaphambi kwalelo langa lelikhulu nalelesabekako—Catsanisa naMalakhi 4. Cishe ngemnyaka weNkhosi wema-34.
Sehluko 26
Jesu uchaza tonkhe tintfo kusukela ekucaleni kute kube sekugcineni—Tinswane nebantfwana bakhuluma tintfo letimangalisako letingeke tibhalwe—Labo labaseBandleni laKhristu banetintfo tonkhe ngalokufanako emkhatsini wabo. Cishe ngemnyaka weNkhosi wema-34.
Sehluko 27
Jesu uyaleta kutsi liBandla libitwe ngelibito lakhe—Umsebenti kanye nemhlatjelo Wakhe lohlawulako kuhlanganisa livangeli Lakhe—Bantfu bayaletwa kutsi baphendvuke baphindze babhajatiswe kute bangcweliswe ngaMoya loNgcwele—Kufanele babe njengaJesu. Cishe ngemnyaka weNkhosi wema-34–35.
Sehluko 28
Bafundzi labayimfica kulabalishumi nakubili bayafisa futsi batsenjiswa lifa embusweni waKhristu uma bafa—EmaNefi lamatsatfu ayafisa aphindze aniketwa emandla etikwekufa kute ahlale emhlabeni Jesu ate aphindze abuye—Ayatsatfwa aphindze abona tintfo letatingakavunyelwa kutsi tikhulunywe, kungumanje ayasita emkhatsini webantfu. Cishe ngemnyaka weNkhosi wema-34–35.
Sehluko 29
Kuvela kweNcwadzi yaMormon kuluphawu lwekutsi iNkhosi seyicalile kugcogca Israyeli kanye nekugcwalisa tivumelwano Tayo—Labo labalahla tembulo Tayo tetinsuku tekugcina kanye netipho batawucalekiswa. Cishe ngemnyaka weNkhosi wema-34–35.
Sehluko 30
BeTive betinsuku tekugcina bayaletwa kutsi baphendvuke, bete kuKhristu, babalwe kanye nendlu yaka-Israyeli. Cishe ngemnyaka weNkhosi wema-34–35.