Sehluko 1Moroni ufinyeta imibhalo ya-Etheri—Umlandvo wesitukulwane sa-Etheri ubekwa sobala—Lulwimi lwemaJaredi aluphambatiswa eMbhoshongweni waseBhabheli—INkhosi yetsembisa kubaholela eveni lelikhetsekile iphindze ibente sive lesikhulu. Sehluko 2EmaJaredi alungiselela luhambo lwawo loluya eveni lesetsembiso—Live lelikhetsekile lapho bantfu kufanele bakhonte Khristu noma basuswe—INkhosi ikhuluma nemnakaboJaredi emahora lamatsatfu—EmaJaredi akha tikebhe—INkhosi ibuta umnakaboJaredi kutsi tikebhe titawukhanyiswa njani. Sehluko 3UmnakaboJaredi ubona umunwe weNkhosi ngesikhatsi itsintsa ematje lalishumi nesitfupha—Khristu ukhombisa umnakaboJaredi umtimba Wakhe wemoya—Labo labanelwati loluphelele angeke bavinjelwe kutsi babone ngekhatsi kwalendvwangu—Tihumushi tinikwe kutsi tembule umbhalo wemaJaredi. Sehluko 4Moroni uyaletwa kutsi ayivale ilondzeke imibhalo yemnakaboJaredi—Angeke yembulwe bate bantfu babe nelukholo njengemnakaboJaredi—Khristu uyaleta bantfu kutsi bawakholwe emavi akhe kanye nalawo ebafundzi Bakhe—Bantfu bayaletwa kutsi baphendvuke, bakholwe livangeli, futsi basindziswe. Sehluko 5Bofakazi labatsatfu kanye nemsebenti lucobo lwawo kutawukuma njengebufakazi beliciniso beNcwadzi yaMormon. Sehluko 6Tikebhe temaJaredi tichutjwa ngumoya kuya eveni lesetsembiso—Bantfu badvumisa iNkhosi ngebuhle Bayo—Oriha uyabekwa kutsi abe yinkhosi yabo—Jaredi nemnakabo bayafa. Sehluko 7Oriha ubusa ngekulunga—Emkhatsini wekutsatfwa kwemandla nekucabana, imibuso lephikisanako yaShule kanye naKhohori iyasungulwa. Baphrofethi bayabugceka bubi kanye nekukhonta tithico kwebantfu, lababese emvakwaloko bayaphendvuka. Sehluko 8Kukhona umbango kanye nencabano ngalokuphatselene nembuso—Akishi usungula licembu leliyimfihlo leliboshwe ngesifungo kutsi libulale inkhosi—Emacembu layimfihlo adeveli futsi aholela ekubhujisweni kwetive—BeTive bamanje bayecwayiswa ngalokumelene nemacembu layimfihlo latawufuna kucedza inkhululeko yawo wonkhe umhlaba, tive, kanye nemave. Sehluko 9Umbuso usuka kulomunye uya kulomunye ngekwesitukulwane, ngekuvumelana ngemanga ngasense, kanye nangekubulala—Emeri wayibona iNdvodzana yeKulunga—Baphrofethi labanyenti bashumayela kuphendvuka—Indlala kanye netinyoka letinebutsi kuhlupha bantfu. Sehluko 10Inkhosi ingena esikhundleni salenye—Lamanye emakhosi alungile; lamanye akhohlakele—Ngesikhatsi kulunga kubusa, bantfu bayabusiswa baphindze baphunyeleliswa yiNkhosi. Sehluko 11Timphi, kuphikisana, kanye nebubi kubusa imphilo yemaJaredi—Baphrofethi baphrofetha ngekubhujiswa nya kwemaJaredi ngaphandle kwekutsi aphendvuke—Bantfu bayawalahla emavi ebaphrofethi. Sehluko 12Umphrofethi Etheri ukhutsata bantfu kutsi bakholwe kuNkulunkulu—Moroni ulandzisa ngetimanga kanye netimangaliso letentiwa ngelukholo—Lukholo lwenta kutsi umnakaboJaredi akwati kubona Khristu—INkhosi inika bantfu butsakatsaka kute batfobeke—UmnakaboJaredi wesusa iNtsaba iZerini ngekusebentisa lukholo—Lukholo, litsemba, kanye nelutsandvo kubalulekile ekusindzisweni—Moroni wabona Jesu buso nebuso. Sehluko 13Etheri ukhuluma ngeJerusalema leNsha leyawukwakhiwa eMelika yintalelwane yaJosefa—Uyaphrofetha, uyacoshwa, ubhala ngemlandvo wemaJaredi, futsi uphrofetha ngekubhujiswa kwemaJaredi—Imphi igcwala eveni lonkhe. Sehluko 14Bubi bebantfu buletsa sicalekiso eveni—Khoriyantumra ulwa naGileyadi, bese ulwa naLibi, aphindze alwe naShizi—Ingati nekubulawa kwebantfu labanyenti kugcwala live. Sehluko 15Tigidzi temaJaredi tiyabulawa emphini—Shizi naKhoriyantumra babutsela ndzawonye bonkhe bantfu emphini yekufa—Moya weNkhosi uyayekela kuhlala kubo—Sive semaJaredi siyabhujiswa nya—Kusala Khoriyantumra kuphela.