Mosiya

Imibhalo Lengcwele

INcwadzi yaMormon

Contents
Sendvulelo naboFakazi
1 Nefi
2 Nefi
Jakobe
Enoshi
Jaromu
Omni
EmaVi aMormon
Mosiya
Alma
Helamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

Mosiya

Sehluko 1
Inkhosi Bhenjamini ifundzisa emadvodzana ayo lulwimi kanye netiphrofetho tabokhokho babo—Inkholo kanye nemphucuko yabo ilondvolotwe ngenca yemibhalo leyayigcinwe kubongcwengcwe labatinhlobonhlobo—Mosiya uyakhetfwa njengenkhosi futsi uniketwa kutsi agcine imibhalo kanye naletinye tintfo. Cishe ngemnyaka weli-130–124 ngaphambi kwekutalwa kwaKhristu.
Sehluko 2
Inkhosi Bhenjamini itfula inkhulumo kubantfu bayo—Ilandzisa ngekulingana, kulunga kanye nangebumoya bekubusa kwakhe—Ibeluleka kutsi basebentele iNkhosi yabo yaseZulwini—Labo labavukela Nkulunkulu batawukuva buhlungu lobufana nemlilo longacimeki. Cishe ngemnyaka weli-124 ngaphambi kwekutalwa kwaKhristu.
Sehluko 3
Inkhosi Bhenjamini iyachubeka nenkhulumo yayo—INkhosi leneMandla Onkhe itawusebenta emkhatsini webantfu emtimbeni welubumba—Ingati itawuphuma kuto tonkhe timbobo tesikhumba ngesikhatsi ihlawulela tono temhlaba—Layo ngilo kuphela libito lekuta ngalo insindziso. Bantfu bangamkhumula umuntfu wemvelo babe ngulabaNgcwele ngeNhlawulo—Kuhlupheka kwalababi kutawuba njengelichibi lemlilo kanye nesibabule. Cishe ngemnyaka weli-124 ngaphambi kwekutalwa kwaKhristu.
Sehluko 4
Inkhosi Bhenjamini iyachubeka nenkhulumo yayo—Insindziso ita ngenca yeNhlawulo—Kholwa kuNkulunkulu kute usindziswe—Gcina kutsetselelwa kwetono takho ngekwetsembeka—Phani loko lonako kulabamphofu—Yenta tonkhe tintfo ngekuhlakanipha kanye nangeluhlelo. Cishe ngemnyaka weli-124 ngaphambi kwekutalwa kwaKhristu.
Sehluko 5
LabaNgcwele baba ngemadvodzana kanye nemadvodzakati aKhristu ngelukholo—Ngenca yaloko babitwa ngelibito laKhristu—Inkhosi Bhenjamini ibakhutsata kutsi basime banganyakatiswa emisebentini lemihle. Cishe ngemnyaka weli-124 ngaphambi kwekutalwa kwaKhristu.
Sehluko 6
Inkhosi Bhenjamini ibhala emabito ebantfu iphindze ibeka baphristi kutsi babafundzise—Mosiya ubusa njengenkhosi lelungile. Cishe ngemnyaka weli-124–121 ngaphambi kwekutalwa kwaKhristu.
Sehluko 7
Amoni utfola live lemaLehi-Nefi, lapho Limhi ayinkhosi khona—Bantfu baLimhi basebugcilini kumaLamani—Limhi ulandzisa ngemlandvo wabo—Umphrofethi (Abinadi) bekafakazile kutsi Khristu unguNkulunkulu naBabe wato tonkhe tintfo—Labo labahlanyela kungcola bavuna sivunguvungu, nalabo lababeka litsemba labo eNkhosini batawukhululwa. Cishe ngemnyaka weli-121 ngaphambi kwekutalwa kwaKhristu.
Sehluko 8
Amoni ufundzisa bantfu baLimhi—Ufundza ngabongcwengcwe labangemashumi lamabili nakune bemaJaredi—Imibhalo yasendvulo ingahunyushwa baboniswa—Kute sipho lesikhulu kunesekuboniswa. Cishe ngemnyaka weli-121 ngaphambi kwekutalwa kwaKhristu.
Sehluko 9
Zenifi uhola licembu lelisuka eZarahemla kuyotsatsa live lemaLehi-Nefi—Inkhosi yemaLamani ibavumela kutsi balitsatse live njengelifa labo—Kukhona imphi emkhatsini wemaLamani kanye nebantfu baZenifi. Cishe ngemnyaka wema-200–187 ngaphambi kwekutalwa kwaKhristu
Sehluko 10
Inkhosi Lamani iyafa—Bantfu bayo batidlova futsi banelunya baphindze bakholelwa emasikweni langemanga—Zenifi kanye nebantfu bakhe bayabehlula. Cishe ngemnyaka weli-187–160 ngaphambi kwekutalwa kwaKhristu.
Sehluko 11
Inkhosi Nowa ibusa ngebubi—Ijabulela kuphila ngesiphitsiphitsi nebafati bayo kanye netingani—Abinadi uphrofetha kutsi bantfu batawutsatfwa bayiswe ebugcilini—Imphilo yakhe ifunwa yinkhosi Nowa. Cishe ngemnyaka weli-160–150 ngaphambi kwekutalwa kwaKhristu.
Sehluko 12
Abinadi uboshelwa kuphrofetha ngekubhujiswa kwebantfu kanye nekufa kweNkhosi Nowa—Baphristi bemanga bacaphuna imibhalo lengcwele futsi benta shangatsi bayayigcina umtsetfo yaMosi—Abinadi ucala kubafundzisa imiYaleto leLishumi. Cishe ngemnyaka weli-148 ngaphambi kwekutalwa kwaKhristu.
Sehluko 13
Abinadi uvikelwa ngemandla aNkulunkulu—Ufundzisa imiYaleto leLishumi—Insindziso ayiti ngemtsetfo waMosi kuphela—Nkulunkulu lucobo Lwakhe utawukwenta inhlawulo futsi ahlenge bantfu Bakhe. Cishe ngemnyaka weli-148 ngaphambi kwekutalwa kwaKhristu.
Sehluko 14
Isaya ukhuluma njengaMesiya—Kwedzelelwa kanye nekuhlupheka kwaMesiya kuyashiwo—Wenta umphefumulo Wakhe ube ngumnikelo wesono futsi uncusela toni—Catsanisa na-Isaya 53. Cishe ngemnyaka weli-148 ngaphambi kwekutalwa kwaKhristu.
Sehluko 15
Khristu uyiNdvodzana kanjani aphindze abe nguYise—Utawuncusela aphindze atfwale tiphambeko tebantfu Bakhe—Bona kanye nabo bonkhe baphrofethi labangcwele bayintalelwane Yakhe—Ufeza Kuvuka—Bantfwana labancane banekuphila lokuphakadze. Cishe ngemnyaka weli-148 ngaphambi kwekutalwa kwaKhristu.
Sehluko 16
Nkulunkulu uhlenga bantfu esimeni sabo sekulahleka kanye nesekuwa—Labo labanaka kwenyama basala shangatsi akutange kube khona kuhlengwa—Khristu uphumelelisa kuvuka ekuphileni lokungeke kuphele noma kulahlwa lokungapheli. Cishe ngemnyaka weli-148 ngaphambi kwekutalwa kwaKhristu.
Sehluko 17
Alma uyawakholelwa futsi uyawabhala emavi a-Abinadi—Abinadi uva buhlungu ngekufa ngemlilo—Uphrofetha ngesifo kanye nekufa ngemlilo kubabulali bakhe. Cishe ngemnyaka weli-148 ngaphambi kwekutalwa kwaKhristu.
Sehluko 18
Alma ushumayela ngasense—Uchaza ngesivumelwano sembhabhatiso futsi ubhabhatisa emantini aMormon—Uhlela liBandla laKhristu futsi ubeka baphristi—Batondla bona futsi bafundzisa bantfu—Alma kanye nebantfu bakhe babalekela inkhosi Nowa baya ehlane. Cishe ngemnyaka weli-147–145 ngaphambi kwekutalwa kwaKhristu.
Sehluko 19
Gideyoni ufuna kubulala iNkhosi Nowa—EmaLamani ahlasela live—INkhosi Nowa iva buhlungu bekufa ngemlilo—Limhi ubusa njengenkhosi yelive lengaphansi kwalomunye umbusi lonemandla kunaye. Cishe ngemnyaka weli-145–121 ngaphambi kwekutalwa kwaKhristu.
Sehluko 20
Lamanye emadvodzakati emaLamani atfunjwa baphristi baNowa—EmaLamani alwa naLimhi nebantfu bakhe—Emabutfo emaLamani ayacoshwa futsi ayatfotjiswa. Cishe ngemnyaka weli-145–123 ngaphambi kwekutalwa kwaKhristu.
Sehluko 21
Bantfu baLimhi bayashaywa futsi bayehlulwa ngemaLamani—Bantfu baLimhi bahlangana na-Amoni baphindze bayaphendvuka—Batjela Amoni ngabongcwengcwe labangemashumi lamabili nakune bemaJaredi. Cishe ngemnyaka weli-122–121 ngaphambi kwekutalwa kwaKhristu.
Sehluko 22
Bantfu benta emasu ekutsi baphunyule ebugcilini bemaLamani—EmaLamani entiwa kutsi adzakwe—Bantfu bayaphunyuka, babuyela eZarahemla, futsi baba ngaphansi kwenkhosi Mosiya. Cishe ngemnyaka weli-121–120 ngaphambi kwekutalwa kwaKhristu.
Sehluko 23
Alma wala kuba yinkhosi—Usebenta njengemphristi lomkhulu—INkhosi iyabajezisa bantfu Bayo, futsi emaLamani ancoba live laseHelamu—Amuloni, umholi webaphristi lababi benkhosi Nowa, uyabusa angaphansi kwenkhosi yemaLamani. Cishe ngemnyaka weli-145–121 ngaphambi kwekutalwa kwaKhristu.
Sehluko 24
Amuloni uhlupha Alma kanye nebantfu bakhe—Batawubulawa uma bathandaza—INkhosi yenta imitfwalo yabo ibukeke ilula—Iyabakhulula ebugcilini, futsi babuyela eZarahemla. Cishe ngemnyaka weli-145–120 ngaphambi kwekutalwa kwaKhristu.
Sehluko 25
Situkulwane saMuleki lesiseZarahemla siba ngemaNefi—Bafundza ngebantfu ba-Alma kanye nebaZenifi—Alma ubhabhatisa Limhi kanye nabo bonkhe bantfu bakhe—Mosiya ugunyata Alma kutsi ahlele liBandla laNkulunkulu. Cishe ngemnyaka weli-120 ngaphambi kwekutalwa kwaKhristu.
Sehluko 26
Emalunga lamanyenti eliBandla aholelwa ekoneni ngulabangakholwa—Alma utsenjiswa kuphila lokuphakadze—Labo labaphendvukako futsi babhajatiswe batfola kutsetselelwa—Emalunga eliBandla lasesonweni bese ayaphendvuka avume ku-Alma kanye naseNkhosini atawutsetselelwa; ngaphandle kwaloko, angeke abalwe kanye nebantfu beliBandla. Cishe ngemnyaka weli-120–100 ngaphambi kwekutalwa kwaKhristu.
Sehluko 27
Mosiya uyakuvimbela kuhluphana uyaleta kutsi kube khona kulingana—Alma lomncane kanye nemadvodzana lamane aMosiya bafuna kubhubhisa liBandla—Ingilosi iyachamuka ibayaleta kutsi bayiyekele indlela yabo yebubi—Alma ushaywa abe simungulu—Bonkhe bantfu kufanele batalwe kabusha kute bazuze insindziso—Alma kanye nemadvodzana aMosiya bamemetela tindzaba letimnandzi. Cishe ngemnyaka weli-100–92 ngaphambi kwekutalwa kwaKhristu.
Sehluko 28
Emadvodzana aMosiya ayahamba ayoshumayela kumaLamani—Mosiya usebentisa ematje lamabili ebaboniswa, Mosiya uhumusha bongcwengcwe bemaJaredi. Cishe ngemnyaka wema-92 ngaphambi kwekutalwa kwaKhristu.
Sehluko 29
Mosiya uphakamisa kutsi kukhetfwe behluleli esikhundleni senkhosi—Emakhosi langakalungi aholela bantfu esonweni—Alma lomncane ukhetfwa kutsi abe ngumehluleli lomkhulu ngelivi lebantfu—Ngetulu kwaloko ungumphristi lomkhulu eBandleni—Alma lomdzala kanye naMosiya bayafa. Cishe ngemnyaka wema-92–91 ngaphambi kwekutalwa kwaKhristu.