Sehluko 1Amaroni uyala Mormon mayelana nemibhalo lengcwele—Imphi iyacala emkhatsini wemaNefi nemaLamani—EmaNefi lamatsatfu ayatsatfwa—Bubi, kungakholwa, kulumba, nebutsakatsi kuyandza. Cishe ngemnyaka weNkhosi wema-321–326. Sehluko 2Mormon uhola emabutfo emaNefi—Ingati kanye nekubulawa kwebantfu labanyenti kutsanyela live—EmaNefi ayalila futsi akhaliswa lusizi lwekulahlwa—Lilanga labo lemusa selendlulile—Mormon utfola bongcwengcwe baNefi—Timphi tiyachubeka. Cishe ngemnyaka weNkhosi wema-327–350. Sehluko 3Mormon ushumayela kuphendvuka kumaNefi—Atfola kuncoba lokukhulu futsi ayatikhukhumeta ngenca yemandla awo—Mormon uyala kuwahola, nemithandazo yakhe ngabo ite lukholo—INcwadzi yaMormon imema tive letilishumi nakubili taka-Israyeli kutsi tikholwe livangeli. Cishe ngemnyaka weNkhosi wema-360–362. Sehluko 4Imphi kanye nekubulawa kwebantfu labanyenti kuyachubeka—Lababi bajezisa lababi—Bubi lobukhulu buyadlanga ngendlela lengatange seyibonwe ngaphambilini kulo lonkhe laka-Israyeli—Besifazane kanye nebantfwana banikelwa etithicweni—EmaLamani acala kuwasusa emaNefi phambi kwawo. Cishe ngemnyaka weNkhosi wema-363–375. Sehluko 5Mormon uphindze uhola emabutfo emaNefi etimphini tengati nekubulawa kwebantfu labanyenti—INcwadzi yaMormon itawukuta kute bonkhe baka-Israyeli bakholwiswe kutsi Jesu unguKhristu—Ngenca yekungakholwa kwawo, emaLamani atawuhlakatwa, naMoya utawuyekela kuhlala nabo—Atawutfola livangeli kubeTive etinsukwini tekugcina. Cishe ngemnyaka weNkhosi wema-375–384. Sehluko 6EmaNefi abutsana eveni laseKhumora kute acedzele timphi tekugcina—Mormon uyayifihla imibhalo lengcwele egcumeni iKhumora—EmaLamani ayancoba, futsi sive semaNefi siyabhujiswa—Emakhulu etinkhulungwane abulawa ngenkemba. Cishe ngemnyaka weNkhosi wema-385. Sehluko 7Mormon umema emaLamani etinsuku tekugcina kutsi akholwe kuKhristu, emukele livangeli Lakhe, aphindze asindziswe—Bonkhe labalikholwako libhayibheli batawuyikholwa neNcwadzi yaMormon. Cishe ngemnyaka weNkhosi wema-385. Sehluko 8EmaLamani atfungatsa emaNefi aphindze ayawabulala—Incwadzi yaMormon itawuvela ngemandla aNkulunkulu—Lusizi luyamenyetelwa kulabo labakhuluma ngelulaka kanye nangekulwa ngekumelana nemsebenti weNkhosi—Umbhalo wemaNefi utawuvela ngelilanga lebubi, lekonakala, kanye nelekuhlubuka. Cishe ngemnyaka weNkhosi wema-400–421. Sehluko 9Moroni uncusa labo labangakholwa kuKhristu kutsi baphendvuke—Watisa ngaNkulunkulu wetimangaliso, lonika tembulo nalotfululela tipho netibonakaliso kulabetsembekile—Timangaliso tiyaphela ngenca yekungakholwa—Tibonakaliso tilandzela labo labakholwako—Bantfu bayakhutsatwa kutsi bahlakaniphe baphindze bagcine imiyaleto. Cishe ngemnyaka weNkhosi wema-401–421.