Helamani

Imibhalo Lengcwele

INcwadzi yaMormon

Contents
Sendvulelo naboFakazi
1 Nefi
2 Nefi
Jakobe
Enoshi
Jaromu
Omni
EmaVi aMormon
Mosiya
Alma
Helamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

Helamani

Sehluko 1
Phahorani wesibili uba ngumehluleli lomkhulu futsi ubulawa nguKishkumeni—Phakhumeni ungena esihlalweni sekwehlulela—Khoriyantumra uhola emabutfo emaLamani, utsatsa iZarahemla, futsi ubulala Phakhumeni—Moroniha uncoba emaLamani futsi uphindze uyayitsatsa iZarahemla, naKhoriyantumra uyabulawa. Cishe ngemnyaka wema-52–50 ngaphambi kwekutalwa kwaKhristu.
Sehluko 2
Helamani, indvodzana yaHelamani, uba ngumehluleli lomkhulu—Gadiyantoni uhola licembu laKishkumeni—Inceku yaHelamani ibulala Kishkumeni, nelicembu laGadiyantoni libalekela ehlane. Cishe ngemnyaka wema-50–49 ngaphambi kwekutalwa kwaKhristu.
Sehluko 3
EmaNefi lamanyenti atfutsela eveni lelingasenyakatfo—Akha tindlu tasemende aphindze agcina imibhalo leminyenti—Emashumi etinkhulungwane ayaphendvuka aphindze ayabhajatiswa—Livi laNkulunkulu liholela bantfu ensindzisweni—Nefi indvodzana yaHelamani utsatsa sihlalo sekwehlulela. Cishe ngemnyaka wema-49–39 ngaphambi kwekutalwa kwaKhristu.
Sehluko 4
Emahlubuka emaNefi kanye nemaLamani ahlanganisa emabutfo futsi atsatsa live laseZarahemla—Kwehlulwa kwemaNefi kufika ngenca yebubi bawo—LiBandla liyancipha, futsi nebantfu baba butsakatsaka njengemaLamani. Cishe ngemnyaka wema-38–30 ngaphambi kwekutalwa kwaKhristu.
Sehluko 5
Nefi naLehi batinikela ekushumayeleni—Emabito abo abakhutsata kutsi timphilo tabo batente tifane netabokhokho babo—Khristu uhlenga labo labaphendvukako—Nefi naLehi bagucula labanyenti futsi bayaboshwa, batungeletwa ngumlilo—Lifu lebumnyama limbonya bantfu labangemakhulu lamatsatfu—Umhlaba uyatamatama, futsi livi liyaleta bantfu kutsi baphendvuke—Nefi naLehi bakhuluma netingilosi, nesicuku situngeletwa ngumlilo. Cishe ngemnyaka wema-30 ngaphambi kwekutalwa kwaKhristu.
Sehluko 6
EmaLamani lalungile ashumayela kumaNefi lamabi—Omabili emacembu ebantfu ayaphumelela ngesikhatsi sekuthula nesenala—Lusifa, umcambi wesono, uphehla tinhlitiyo talababi kanye netigebengu taGadiyantoni ngalokuphatselene nekubulala nebubi—Tigebengu titsatsa umbuso wemaNefi. Cishe ngemnyaka wema-29–23 ngaphambi kwekutalwa kwaKhristu.
Sehluko 7
Nefi uyaliwa enyakatfo futsi ubuyela eZarahemla—Uyathandaza embhoshongweni losensimini yakhe emvakwaloko uncusa bantfu kutsi baphendvuke noma bafe. Cishe ngemnyaka wema-23–21 ngaphambi kwekutalwa kwaKhristu.
Sehluko 8
Behluleli labakhohlakele baphehla bantfu ngalokumelene naNefi—Abrahama, Zenoshi, Zenokhi, Eziyasi, Isaya, Jeremiya, Lehi kanye naNefi bonkhe bafakaza ngaKhristu—Ngekuphefumulelwa nguMoya Nefi watisa ngekubulawa kwemehluleli lomkhulu. Cishe ngemnyaka wema-23–21 ngaphambi kwekutalwa kwaKhristu.
Sehluko 9
Titfunywa titfola umehluleli lomkhulu afile esihlalweni sekwehlulela—Tiyaboshwa futsi kamuva tiyakhululwa—Ngekuphefumulelwa nguMoya Nefi ukhomba Seyantumi njengembulali—Nefi wemukelwa ngulabanye njengemphrofethi. Cishe ngemnyaka wema-23–21 ngaphambi kwekutalwa kwaKhristu.
Sehluko 10
INkhosi inika Nefi emandla ekubopha—Uniketwa emandla ekubopha kanye nekukhulula emhlabeni kanye nasezulwini—Uyaleta bantfu kutsi baphendvuke noma bafe—Moya uyametfwala kusuka esicukwini kuya esicukwini. Cishe ngemnyaka wema-21–20 ngaphambi kwekutalwa kwaKhristu.
Sehluko 11
Nefi ukhutsata iNkhosi kutsi iletse indlala esikhundleni semphi yabo—Bantfu labanyenti bayafa—Bayaphendvuka, futsi Nefi uncenga iNkhosi kutsi batfole imvula—Nefi kanye naLehi batfola letinyenti tembulo—Tigebengu taGadiyantoni tiyatibeka eveni. Cishe ngemnyaka wema-20–6 ngaphambi kwekutalwa kwaKhristu.
Sehluko 12
Bantfu bayagucugucuka futsi batiwula baphindze bayashesha kwenta lokubi—INkhosi ijezisa bantfu Bayo—Kungabi lutfo kwebantfu kucatsaniswa nemandla aNkulunkulu—Ngelilanga lekwehlulela, bantfu batawuzuza imphilo yaphakadze noma kulahlwa kwaphakadze. Cishe ngemnyaka wesi-6 ngaphambi kwekutalwa kwaKhristu.
Sehluko 13
Samuweli umLamani uphrofetha ngekubhujiswa kwemaNefi ngaphandle nangabe aphendvuka—Wona nemcebo wawo ayacalekiswa—Alahla aphindze agcoba baphrofethi ngematje, atungeletwa ngemadimoni, futsi etama kutfola injabulo ekwenteni bubi. Cishe ngemnyaka wesi-6 ngaphambi kwekutalwa kwaKhristu.
Sehluko 14
Samuweli ubika kukhanya ngesikhatsi sasebusuku kanye nenkhanyeti lensha ngekutalwa kwaKhristu—Khristu uhlenga bantfu ekufeni kwenyama kanye nekwakamoya—Tibonakaliso tekufa Kwakhe kutawuba ngemalanga lamatsatfu ebumnyama, kuchekeka kwemadvwala, kanye nekubhedvuka lokukhulu kwemvelo. Cishe ngemnyaka wesi-6 ngaphambi kwekutalwa kwaKhristu.
Sehluko 15
INkhosi yawajezisa emaNefi ngoba beyiwatsandza—EmaLamani laphendvukile acinile futsi asimile elukholweni—INkhosi itawuba nemusa kumaLamani ngemalanga ekugcina. Cishe ngemnyaka wesi-6 ngaphambi kwekutalwa kwaKhristu.
Sehluko 16
EmaNefi lamkholwa Samuweli abhajatiswa nguNefi—Samuweli akabulaleki ngemicibisholo kanye nangematje emaNefi langakaphendvuki—Labanye benta lukhuni tinhlitiyo tabo, futsi labanye babona tingilosi—Labangakholwa batsi akunamcondvo kukholwa kuKhristu kanye nekuta kwakhe eJerusalema. Cishe ngemnyaka wesi-6–1 ngaphambi kwekutalwa kwaKhristu.