Sehluko 25
NgeKubuya kwesiBili, labatigcabhako kanye nalababi batawushiswa njengemabibi—Elija utawubuya ngaphambi kwalelo langa lelikhulu nalelesabekako—Catsanisa naMalakhi 4. Cishe ngemnyaka weNkhosi wema-34.
1 Ngoba buka, lilanga liyeta leliyawuvutsa njengelitiko; bonkhe labatigcabhako, yebo, kanye nabo bonkhe labo labenta bubi, bayawuba ngemabibi; lilanga lelitako liyawubashisa, kusho iNkhosi yemaBandla, futsi aliyukubashiyela ngisho imphandze noma ligala.
2 Kodvwa kini nine lenilesabako libito lami, iNdvodzana yeKulunga iyawuvuka nekuphilisa etimphikweni tayo; futsi niyawucala nikhule njengematfole etisingeni.
3 Niyawubagcobagcoba phansi lababi; ngoba bayawuba ngumlotsa ngaphansi kwetitsendze tetinyawo tenu ngelilanga lengiyawukwenta ngalo loku, kusho iNkhosi yemaBandla.
4 Khumbulani umtsetfo waMosi, inceku yami, lengamyaleta ngawo eHorebe kuwo onkhe ema-Israyeli, ngemitsetfo kanye nangetehlulelo.
5 Bukani, ngiyawutfumela kini Elija umphrofethi lingakafiki lilanga lelikhulu nalelesabekako leNkhosi;
6 Futsi uyawuguculela tinhlitiyo taboyise kubantfwana, kanye netinhlitiyo tebantfwana kuboyise, funa ngite ngiphindze ngishaye umhlaba ngesicalekiso.