1 Manje buka, kwenteka kutsi bonkhe bantfu baseveni baweva lamavi, baphindze bawafakazela. Futsi emvakwalamavi kwabakhona kuthula eveni sikhatsi lesingemahora lamanyenti

2 Ngoba kwaba kukhulu kakhulu kumangala kubantfu kangangekutsi bayekela kulila nekuhhewula ngenca yekulahlekelwa tihlobo tabo letatibulewe; ngako-ke kwaba khona kuthula kulo lonkhe live sikhatsi lesingemahora lamanyenti

3 Futsi kwenteka kutsi kwaphindze kwefika livi kubantfu, bonkhe bantfu baliva, baphindze bafakaza ngalo, litsi:

4 O nine bantfu bakulamadolobha lamakhulu lawile, lenibesitukulwane saJakobe, yebo, lenibendlu yaka-Israyeli, kukangaki nginigcogca njengesikhukhukati sifukamela emantjwele aso ngaphansi kwetimphiko taso, ngiphindze nginondla na?

5 Ngetulu kwaloko, bekuyawuba kangaki nginigcogca njengesikhukhukati sifukamela emantjwele aso ngaphansi kwetimphiko taso, yebo, O nine bantfu bendlu yaka-Israyeli, labawile; yebo, O nine bantfu bendlu yaka-Israyeli, nine lenihlala eJerusalema, njengobe niwile; yebo, bekuyawuba kangaki nginigcogca njengesikhukhukati sifukamela emantjwele aso, kodvwa ningavumi.

6 O wenandlu yaka-Israyeli lenginiphephisile, kuyawuba kangaki nginigcogca njengesikhukhukati sifukamela emantjwele aso ngaphansi kwetimphiko taso, uma ningaphendvuki nibuyele kimi ngenhloso lephelele yenhlitiyo.

7 Kodvwa uma ningeke, O ninendlu yaka-Israyeli, tindzawo tenu tekuhlala tiyawusala tingenabantfu kute kube sikhatsi sekugcwaliseka kwesivumelwano sabokhokho benu.

8 Manje kwenteka kutsi emvakwekutsi bantfu sebawevile lamavi, buka, bacala kukhala nekuhhewula futsi ngenca yekulahlekelwa tihlobo tabo kanye nebangani.

9 Futsi kwenteka kutsi emalanga lamatsatfu endlula kanjalo. Bekusekuseni, bumnyama besuka eveni lonkhe, nemhlaba wema kutamatama, nemadvwala ema kuchekeka, nesililo lesesabekako saphela, nato tonkhe tiphitsiphitsi temsindvo tendlula.

10 Umhlaba waphindze wanamatselana ndzawonye, kangangekutsi wema; lusizi, nekukhala, kanye nekulila kwebantfu labasindziswa baphila kwaphela; nelusizi lwabo lwagucuka lwaba yinjabulo, nekulila kwabo kwaba yindvumiso kanye nekubonga eNkhosini Jesu Khristu, uMhlengi wabo.

11 Futsi kute kube ngumanje imibhalo lengcwele yabe seyigcwalisekile leyayikhulunywe baphrofethi.

12 Bekuyincenye lenkhulu lelungile yalabantfu labasindziswa, bekungulabo labebamukele baphrofethi bangabagcobi ngematje; futsi bekungulabo labebangatange bayicitse ingati yalabangcwele, labasindziswa—

13 Futsi basindziswa bangacwiliswa baphindze bangangcwatjwa ngumhlabatsi. Abatange bamitiswe ekujuleni kwelwandle; abatange bashiswe ngemlilo, noma kuwele lokutsite etikwabo bafihlitwe bate bafe; futsi abatange batfwalwe sivunguvungu; noma benganywe yinkhungu yentfutfu kanye neyebumnyama.

14 Manje, loyo lofundzako, akacondze; loyo lonemibhalo lengcwele, akayihlolisise, abone aphindze abuke kutsi ngabe konkhe loku kufa kanye nekubhujiswa ngemlilo, nangentfutfu, nangetiphepho, nangetivunguvungu, nangekuvuleka kwemhlaba kutsi ubamite, kanye nato tonkhe letintfo akugcwalisi yini tiphrofetho letinyenti tebaphrofethi labangcwele.

15 Bukani, ngitsi kini, Yebo, labanyenti bafakazile ngaletintfo ngekuta kwaKhristu, futsi babulawa ngoba bafakaza ngaletintfo.

16 Yebo, umphrofethi Zenoshi wafakaza ngaletintfo, kanjalo naZenokhi wakhuluma mayelana naletintfo, ngoba bafakaza ikakhulukati mayelana natsi, lesiyinsali yentalelwane yabo.

17 Bukani, babe Jakobe ngalokunjalo naye wafakaza mayelana nensali yentalelwane yaJosefa. Futsi bukani, ngabe asisiyo yini insali yentalelwane yaJosefa na? Futsi letintfo letifakaza ngatsi, ngabe atikabhalwa yini kulabongcwengcwe belitfusi babe Lehi labatsatsa eJerusalema na?

18 Futsi kwenteka kutsi ekupheleni kwemnyaka wemashumi lamatsatfu nakune, bukani, ngitawunikhombisa kutsi bantfu baNefi labasindziswa, kanjalo nalabo labebabitwa ngekutsi ngemaLamani, labasindziswa, kwaba netento temusa lomkhulu letentelwa bona, kanye netibusiso letinkhulu letehliselwa kubo, kangangekutsi masinyane emvakwekwenyuka kwaKhristu aya ezulwini watibonakalisa ngempela kubo—

19 Wakhombisa umtimba wakhe kubo, wabafundzisa; nekulandzisa ngemsebenti wakhe kutawuniketwa emvakwaloku. Ngako-ke kwanyalo ngenta siphetfo semavi ami.