Moronai ļeo Nejin Mormon

Rikanaan in riNipai eo āliktata ilo Bok in Mormon (iturinļo̧k Ā.K. 421). M̧oktaļo̧k jidik jān an Mormon mej, eaar leļo̧k juon ļo̧o̧k in bwebwenato etan pileij ko an Mormon n̄an ļeo nejin Moronai (N an M 1:1). Moronai ekar kadedeļo̧k an kōpooje pileij ko an Mormon. Ekar kobaiktok jebta 8 im 9 n̄an bok in Mormon (Morm. 8:1). Ekar kōm̧m̧an kakkobaba im kobaiktok bok in Ether (Ether 1:1–2) im kobaiktok bok eo an make etan bok in Moronai (Moro. 1). Moronai ekar sili pileij ko im ņooji ilo bat Kumora (Morm. 8:14; Moro. 10:2). Ilo 1823 kar jilkintok Moronai āinwōt juon armej em̧ōj an jerkakpeje n̄an kwaļo̧kļo̧k Bok in Mormon n̄an Josep Smith (K&B 27:5; JS—B 1:30–42, 45). Eaar katakin rikanaan eo edik kajjojo iiō jān 1823 n̄an 1827 (JS—B 1:54) im āliktata liļo̧k pileij ko n̄an e ilo 1827 (JS—B 1:59). Ālikin an kadedeļo̧k ukok eo Josep Smith ar kōro̧o̧li pileij ko n̄an Moronai.