Bok in Moronai
Jebta 1
Moronai ej jeje n̄an em̧m̧anļo̧k eo an riLeman—RiNipai ro rejjab kaarmejjete Kraist kar leļo̧k er n̄an mej. Iturinļo̧k Ā.K. 401–421.
1 Kiiō N̄a, aMoronai, ālikin kar kōm̧m̧an jem̧ļo̧kin kōkaduduik bwebwenato in armej ro an Jered, Iaar kōtmāne ij jab bar jejeļo̧k wōt, ak i jan̄in kar mej; im iaar jab kwaļo̧k eō n̄an riLeman ro n̄e raab kar m̧ane eō.
2 Bwe lo, atariņae ko aer rej kaammijak otem kaammijak ilubwiljier; im kōnke aer matōrtōr rej bleļo̧k n̄an mej riNipai otemjej bwe rej jamin kaarmejjete Kraist.
3 Im n̄a, Moronai, ij jamin akaarmejjete Kraist; kōn menin, iaar ito-itak ijoko jabdewōt imaron̄ n̄an oņaake eo an mour eo aō make.
4 Kōn menin, ij jeje bar jet men ko, reāinjuon jān men eo iaar kōtmāne; bwe iaar kōtmāne jab n̄an jeje eļapļo̧k; ak ij jeje bar jet men, bwe bōlen remaron̄ aorōk n̄an ro jeiū im jatū, riLeman ro, ilo jet raan tokālik, ekkar n̄an ankilaan Irooj.