1 ^aWāween eo ^belder ro im pris ro aer rej kōjeraam̧m̧an kanniōkin im bōtōktōkin Kraist n̄an kabun̄ eo; im raar ^ckōjeraam̧m̧an e ekkar n̄an naan in jiron̄ ko an Kraist; kōn menin jejeļā wāween eo e m̧ool; im elder ak pris eo eaar kajeedede—

2 Im raar bukwelōlō ippān kabun̄ eo, im jar n̄an Jemān ilo etan Kraist, im ba:

3 O Anij, Jemām Indeeo, kōmij kajjitōk Ippam̧ ilo etan Nejūm̧, Jisōs Kraist, n̄an kōjeraam̧m̧an im kokwōjarjar ^apilawā in n̄an jetōb ko an ro otemjej rej bōk m̧ōttan; bwe ren maron̄ m̧ōn̄ā ilo aer ^bememej ānbwinnin Nejūm̧, im kam̧ool n̄an Kwe, O Anij, Jemām Indeeo, bwe rem̧ōņōņō in bōk ioer ^cetan Nejūm̧, im keememej E iien otemjej, im kōjparok kien ko An ko Eaar liļo̧k n̄an er, bwe ^dJetōb eo An en maron̄ pād ippāer iien otemjej. Amen.