Mwakoro 92
Kaotioti ae kaotaki nakon Iotebwa Timiti te Burabeti, i Kirtland, Ohio, ni Maati 15, 1833. Te kaotioti e reiakina Frederick G. Williams, are e a tibwa weteaki bwa te tia ibuobuoki nakon Iotebwa Timiti, n tabena n te Kambwana ni Katiteuanaki (taraa te kabwarabwaran mwakoro 78 ao 82).
1–2, E anga te Uea te tua ae kaineti nakon te karinrin nakon te botaki ni katiteuanaaki.
1 E koaua, ae taku te Uea, I anga nakon te botaki ni katiteuanaki, ae baireaki ni kaineti ma te tua ae e a kaman kaotaki, te kaotioti ao te tua ae kaineti nakon au tia mwakuri ae Frederick G. Williams, bwa kam na butimwaaia nakon te botaki. Te bwai ae I taekinna nakon temanna I taekinna nakoia ni kabane.
2 Ao teuana riki, I taetae nakoim au tia mwakuri ae Frederick G. Williams, ko na riki bwa kaain te botaki aei ae korakora am kakamwakuri; ao ngkana ko teimatoa ni kakaonimaki ni kawakini ni kabane au tua ake mai mwaaina ko na kakabwaiaaki n aki toki. Amen.