ទីកន្លែងគួរស្គាល់

ដំណើររឿងក្នុងព្រះគម្ពីរ

ទីកន្លែងគួរស្គាល់

( លេខនៅក្នុងវង់ក្រចកគឺជាជំពូក ដែលប្រាប់អំពីព្រឹត្តិការណ៍នានាដែលបានកើតឡើងនៅក្នុងទីកន្លែងទាំងនេះ ) ។

ផែនទី ១ ៖ ដែនដីបរិសុទ្ធក្នុងជំនាន់ព្រះគម្ពីរសញ្ញាថ្មី

ដាម៉ាស កាលប៉ុលកំពុងធ្វើដំណើរទៅកាន់ទីក្រុងនេះ ព្រះយេស៊ូវបានយាងមកឯគាត់ ហើយមានបន្ទូលឲ្យគាត់ប្រែចិត្ត ។ ( ៥៩ )
សេសារា ភីលីព នៅក្នុងតំបន់នេះ ព្រះយេស៊ូវបានថ្លែងទីបន្ទាល់អំពីការសុគត និង ការមានព្រះជន្មរស់ឡើងវិញរបស់ទ្រង់ រីឯពេត្រុសបានថ្លែងទីបន្ទាល់ថា ព្រះយេស៊ូវគឺជាព្រះរាជបុត្រានៃព្រះ ។ ( ៣២ )
កាលីឡេ ព្រះយេស៊ូវបានចំណាយពេលជាច្រើនថ្ងៃនៅក្នុងភូមិភាគនេះ ដើម្បីបង្រៀនដំណឹងល្អ និងប្រោសអ្នកជំងឺ ។ ( ១៩–២០, ៣៤, ៣៦ )
កាពើណិម ព្រះយេស៊ូវបានសម្ដែងអព្ភូតហេតុជាច្រើននៅក្នុងទីក្រុងនេះ ។ ( ២៣–២៥, ៣០ )
សមុទ្រកាលីឡេ ព្រះយេស៊ូវបានបង្រៀនដំណឹងល្អដល់មនុស្សជាច្រើននៅតំបន់ក្បែរៗនេះ ។ ព្រះយេស៊ូវបានបង្គាប់ឲ្យព្យុះស្ងប់ ហើយយាងនៅលើទឹកសមុទ្រកាលីឡេ ។ ( ១៨, ២១, ២៩ )
កាណា ព្រះយេស៊ូវបានធ្វើឲ្យទឹកក្លាយជាស្រាទំពាំងបាយជូរនៅក្នុងពីធីមង្គលការនៅ ទីនេះ ។ បុរសម្នាក់បានមកទីនេះ ដើម្បីទូលសូមឲ្យព្រះយេស៊ូវប្រោសកូនប្រុសគាត់ឲ្យជា ។ ( ១២, ១៦ )
ណាសារ៉ែត ព្រះយេស៊ូវបានចម្រើនព្រះជន្មដឹងក្ដីឡើងនៅទីក្រុងនេះ ។ ( ២, ៤, ៩, ១៧ )
សាម៉ារី ព្រះយេស៊ូវបានត្រាស់បង្រៀនស្ត្រីម្នាក់ អំពីទឹករស់នៅឯអណ្ដូងទឹកមួយនៅដែនដីនេះ ។ ពួកសាសន៍យូដាបានស្អប់ពួកសាសន៍សាម៉ារី ។ ( ១៥, ៥៨ )
ទន្លេយ័រដាន់ យ៉ូហាន បាទីស្ទ បានធ្វើបុណ្យជ្រមុជទឹកថ្វាយព្រះយេស៊ូវគ្រីស្ទនៅក្នុងទន្លេនេះ ។ ( ១០ )
យ៉ុបប៉េ ពេត្រុសបានធ្វើឲ្យតេប៊ីថារស់ឡើងវិញនៅទីនេះ ។ ( ៦០ )
យេរីខូរ នៅក្នុងរឿងប្រៀបប្រដូចមួយអំពីសាសន៍សាម៉ារីដ៏សប្បុរស បុរសម្នាក់ស្ទើរតែត្រូវបានគេសម្លាប់ នៅតាមផ្លូវទៅកាន់ទីក្រុងនេះ ។ ( ៣៥ )
យេរ៉ូសាឡិម ព្រះយេស៊ូវ និង ពួកសាវករបស់ទ្រង់បានចំណាយពេលជាច្រើនដើម្បីបង្រៀននៅទីក្រុងនេះ ។ ព្រះយេស៊ូវបានសុគត ហើយបានមានព្រះជន្មរស់ឡើងវិញនៅទីនេះ ។ ( ៦, ៣៩–៤០, ៤៤–៥៧, ៦៣ ) សូមមើល ផែនទី ២ ផងដែរ ដើម្បីមើលរឿងបន្ថែម ដែលបានកើតឡើងនៅទីក្រុងយេរ៉ូសាឡិម ។
បេថេនី ឡាសាដែលព្រះយេស៊ូវបានប្រោសឲ្យរស់ឡើងវិញ បានរស់នៅទីនេះជាមួយបងស្រីរបស់គាត់ ម៉ារា និង ម៉ាថា ។ ( ៤៣ )
បេថ្លេហិម ព្រះយេស៊ូវគ្រីស្ទបានប្រសូតនៅទីនេះ ។ ( ៥, ៧ )

សមុទ្រមេឌីទែរ៉ាណេ

សមុទ្រមរណៈ

ដាម៉ាស

សេសារា ភីលីព

កាលីឡេ

កាពើណិម

សមុទ្រកាលីឡេ

កាណា

ណាសារ៉ែត

សាម៉ារី

ទន្លេយ័រដាន់

យ៉ុបប៉េ

យេរីខូរ

យេរូសាទ្បិម

បេថេនី

បេថ្លេហិម

ផែនទី ២ ៖ ក្រុងយេរូសាឡិមនៅជំនាន់ព្រះយេស៊ូវ

គាល់កូថា ទីនេះអាចជាកន្លែងដែលព្រះយេស៊ូវគ្រីស្ទបានសុគតនៅលើឈើឆ្កាង ។ ( ៥៣ )
ឧទ្យានផ្នូរ ទីនេះអាចជាកន្លែងដែលព្រះយេស៊ូវគ្រីស្ទត្រូវបានគេបញ្ចុះ មានព្រះជន្មរស់ឡើងវិញ ហើយបានមានបន្ទូលជាមួយ ម៉ារា ម៉ាក់ដាឡា ។ ( ៥៣, ៥៤ )
ស្រះទឹកបេថែសដា ព្រះយេស៊ូវបានប្រោសបុរសម្នាក់ចំថ្ងៃឈប់សម្រាកនៅទីនេះ ។ ( ២៧ )
ព្រះវិហារបរិសុទ្ធ ទីនេះទេវតាកាព្រីយ៉ែលបានមានបន្ទូលសន្យានឹងសាការីថា គាត់នឹងមានកូនប្រុសមួយដែលជា យ៉ូហាន បាទីស្ទ ។ ព្រះយេស៊ូវបានត្រាស់បង្រៀននៅក្នុងព្រះវិហារបរិសុទ្ធនេះ ។ ទ្រង់ក៏បានបណ្ដេញមនុស្សដែលជួញដូរសត្វសម្រាប់យញ្ញបូជានៅឯព្រះវិហារបរិសុទ្ធដែរ ។ ( ១, ៦, ៩, ១១, ១៣, ៤៥, ៥៦ )
សួនច្បារគែតសេម៉ានី ព្រះយេស៊ូវគ្រីស្ទបានអធិស្ឋាន បានរងទុក្ខជំនួសអំពើបាបយើង យូដាស-អ៊ីស្ការីយ៉ុត បានក្បត់ទ្រង់ ហើយទ្រង់ត្រូវគេចាប់ព្រះកាយនៅក្នុងសួនច្បារនេះ ។ ( ៥១, ៥២ )
ភ្នំដើមអូលីវ ព្រះយេស៊ូវបានត្រាស់បង្រៀនអំពីការយាងមកជាលើកទីពីររបស់ទ្រង់នៅទីនេះ ។ ( ៤៦ )
ដំណាក់សម្ដេចសង្ឃកៃផា ទីនេះអាចជាកន្លែងដែលថ្នាក់ដឹកនាំពួកសាសន៍យូដាបានកាត់សេចក្ដីព្រះយេស៊ូវ ដោយចោទថាទ្រង់បានល្មើសនឹងក្រឹត្យវិន័យ ។ ( ៥២ )
បន្ទប់ជាន់លើ ជាបន្ទប់ដែលព្រះយេស៊ូវ និង ពួកសាវកទ្រង់បានបរិភោគលៀងបុណ្យរំលង ដែលប្រហែលជានៅក្នុងតំបន់នេះ ។ ព្រះយេស៊ូវបានត្រាស់បង្រៀនពួកសាវកទ្រង់ អំពីពិធីសាក្រាម៉ង់នៅមុននឹងពេលដែលទ្រង់យាងទៅសួនច្បារគែតសេម៉ានីបន្តិច ។ ( ៤៩, ៥០ )

គាល់កូថា

ឧទ្យានផ្នូរ

ស្រះទឹកបេថែសដា

ព្រះវិហារបរិសុទ្ធ

សួនច្បារគែតសេម៉ានី

ភ្នំដើមអូលីវ

ដំណាក់សម្ដេចសង្ឃកៃផា

បន្ទប់ជាន់លើ