ជំពូក ២៣
បុរសស្លាប់ដៃស្លាប់ជើង
ថ្ងៃមួយ ព្រះយេស៊ូវកំពុងបង្រៀនមនុស្សមួយក្រុមនៅក្នុងផ្ទះមួយ ។
បុរសបួនប្រាំនាក់បានសែងមិត្តរបស់ពួកគេដេកលើគ្រែទៅជួបព្រះយេស៊ូវ ។ មិត្តរបស់ពួកគេមានជំងឺស្លាប់ដៃស្លាប់ជើង ។ បុរសទាំងនោះពុំអាចយកគាត់ចូលទៅក្នុងផ្ទះបានទេ ព្រោះមនុស្សច្រើនពេក ។
បុរសទាំងនោះបាននាំយកមិត្តរបស់ពួកគេទៅលើដំបូល ។ ពួកគេបានរើដំបូលខ្លះចេញ ហើយបានសម្រូតមិត្តរបស់ពួកគេទៅក្នុងផ្ទះ ។
កាលទ្រង់ទតឃើញសេចក្ដីជំនឿដ៏អស្ចារ្យរបស់បុរសទាំងនេះ ព្រះយេស៊ូវមានបន្ទូលទៅកាន់បុរសមានជំងឺថា បាបគាត់បានអត់ទោសឲ្យហើយ ។ ទ្រង់មានបន្ទូលប្រាប់គាត់ថាឲ្យយកគ្រែគាត់ ហើយទៅផ្ទះវិញទៅ ។ បុរសនោះក៏បានក្រោកឡើង ។ គាត់បានជាសះស្បើយ ។ គាត់ក៏បានយកគ្រែរបស់គាត់ ហើយដើរទៅផ្ទះវិញទៅ ។ គាត់មានអំណរគុណដល់ព្រះខ្លាំងណាស់ ។