ជំពូក ៣៤
ក្មេងប្រុសមានអារក្សចូល
ថ្ងៃមួយ បុរសម្នាក់បានទទូចអង្វរព្រះយេស៊ូវឲ្យជួយដល់កូនប្រុសគាត់ ។ កូនប្រុសនោះមានអារក្សចូល ។ ពួកសិស្សបានខំព្យាបាលកូនប្រុសគាត់ ប៉ុន្តែពួកគេមិនអាចព្យាបាលបានទេ ។
ព្រះយេស៊ូវបានមានបន្ទូលឲ្យបុរសនោះនាំយកកូនប្រុសគាត់មក ។ នៅពេលកូនប្រុសនោះបានមកដល់ អារក្សបានធ្វើឲ្យគាត់ដួលទៅលើដី ។
ព្រះអង្គសង្គ្រោះមានបន្ទូលសួរថាតើអារក្សចូលក្មេងនេះតាំងពីអង្កាល ។ ឪពុកនោះបានទូលថា តាំងតែពីតូចមក ។
ព្រះយេស៊ូវមានបន្ទូលថា ទ្រង់អាចព្យាបាលកូនប្រុសនោះបានប្រសិនបើឪពុកនោះមានសេចក្ដីជំនឿ ។ ឪពុកនោះបានចាប់ផ្ដើមយំ ។ គាត់ទូលថា គាត់បានមានសេចក្ដីជំនឿ ។ ប៉ុន្តែគាត់បានទូលសូមព្រះយេស៊ូវ ឲ្យជួយគាត់កាន់តែមានសេចក្ដីជំនឿថែមទៀត ។
ព្រះយេស៊ូវបានត្រាស់បង្គាប់អារក្ស ឲ្យចេញពីក្មេងប្រុសនោះ រួចមិនឲ្យចូលក្នុងខ្លួនគាត់ទៀតឡើយ ។ អារក្សបានខឹងជាខ្លាំង ។ វាបានវាយក្មេងប្រុសនោះម្ដងទៀត ។ ក្រោយមក វាស្ដាប់តាមព្រះយេស៊ូវក៏ចេញទៅ ។
ក្មេងប្រុសនោះមិនកម្រើកសោះ ទើបមនុស្សជាច្រើនបានថា វាស្លាប់ហើយ ។ ព្រះយេស៊ូវបានចាប់ដៃក្មេងនោះ ហើយជួយគាត់ឲ្យក្រោកឈរឡើង ។ ក្មេងប្រុសនោះបានជាសះស្បើយ ។ អារក្សក៏បានចេញទៅបាត់ទៅ ។
ក្រោយមក ពួកសិស្សបានទូលសួរព្រះយេស៊ូវ អំពីមូលហេតុដែលពួកគេពុំអាចបណ្ដេញអារក្សចេញពីក្មេងប្រុសនោះ ។ ព្រះយេស៊ូវមានបន្ទូលប្រាប់ពួកគេថា ពេលខ្លះ ពួកគេត្រូវតមអាហារ ហើយអធិស្ឋានដើម្បីជួយឲ្យមនុស្សម្នាក់បានជាសះស្បើយ ។