ជំពូក ៤២
កំលោះអ្នកមាន
ថ្ងៃមួយ កំលោះអ្នកមានម្នាក់បានមកជួបព្រះយេស៊ូវ ហើយទូលសួរថាតើគាត់គួរតែធ្វើដូចម្ដេចដើម្បីបានទៅស្ថានសួគ៌ ។
ព្រះអង្គសង្គ្រោះមានបន្ទូលប្រាប់គាត់ឲ្យស្រឡាញ់ ហើយគោរពប្រតិបត្តិឪពុកម្ដាយ ហើយមិនត្រូវសម្លាប់មនុស្ស ឬ មិនត្រូវកុហក ឬ មិនត្រូវលួចឲ្យសោះ ។ កំលោះអ្នកមានអ្នកមានរូបនោះបានពោលថា គាត់តែងតែបានគោរពប្រតិបត្តិតាមព្រះបញ្ញត្តិទាំងនេះហើយ ។
ព្រះយេស៊ូវមានបន្ទូលប្រាប់កំលោះអ្នកមាននោះថា គាត់ត្រូវតែធ្វើកិច្ចការច្រើនជាងនេះទៀត ។ គាត់ត្រូវលក់របស់ទ្រព្យគ្រប់យ៉ាងដែលគាត់មាន ហើយបរិច្ចាគប្រាក់ទៅឲ្យអ្នកក្រីក្រ ។ រួចហើយ កំលោះអ្នកមាននោះគួរតែដើរតាមទ្រង់ ។
កំលោះអ្នកមាននោះពុំចង់លះបង់របស់ទ្រព្យគ្រប់យ៉ាងដែលគាត់មានឡើយ ។ គាត់ស្រឡាញ់របស់ទ្រព្យដែលគាត់មាន ខ្លាំងជាងគាត់ស្រឡាញ់ព្រះទៅទៀត ។ កំលោះអ្នកមាននោះបានចេញទៅទាំងចិត្តព្រួយ ។
ព្រះអង្គសង្គ្រោះមានបន្ទូលប្រាប់ពួកសិស្សទ្រង់ថា សម្រាប់មនុស្សដែលស្រឡាញ់ទ្រព្យសម្បត្តិ នោះវាជារឿងលំបាកណាស់សម្រាប់ពួកគេក្នុងការទៅស្ថានសួគ៌ ។ ពួកសិស្សពុំយល់សេចក្ដីនេះទេ ។ ពួកគេបានទូលសួរ ថាតើនរណាដែលអាចរស់នៅជាមួយព្រះ ។ ព្រះយេស៊ូវមានបន្ទូលថា ជាមនុស្សដែលទុកចិត្តលើព្រះ ហើយស្រឡាញ់ទ្រង់ខ្លាំងជាងអ្វីទាំងអស់ ទើបអាចរស់នៅជាមួយទ្រង់នៅស្ថានសួគ៌បាន ។