ជំពូក ៧
ពួកហោរា
ពួកហោរាបានរស់នៅឯដែនដីមួយទៀត ។ ពួកគេបានដឹងសេចក្ដីដែលពួកព្យាការីបានថ្លែង អំពីការប្រសូតរបស់ព្រះយេស៊ូវ ។ នៅពេលពួកគេបានឃើញផ្កាយថ្មីមួយរះនៅលើមេឃ នោះពួកគេបានដឹងថា មានស្ដេចថ្មីមួយអង្គបានប្រសូតមក ។
ពួកហោរាបានទៅចូលគាល់ស្ដេចហេរ៉ូឌ ជាស្ដេចពួកសាសន៍យូដានៅឯក្រុងយេរ៉ូសាឡិម ។ ពួកគេបានទូលសួរទ្រង់ថាតើស្ដេចថ្មីមួយអង្គនោះនៅទីណា ។ ស្ដេចហេរ៉ូឌបានមានបន្ទូលប្រាប់ ឲ្យពួកគេទៅស្វែងរកទ្រង់នៅឯភូមិបេថ្លេហិម ។ នៅពេលពួកគេរកឃើញព្រះឱរស្ធហើយ ពួកគេត្រូវត្រឡប់មកទូលស្ដេចហេរ៉ូឌវិញ ។
ពួកហោរាបានធ្វើដំណើរទៅភូមិបេថ្លេហិម ហើយបានរកឃើញព្រះយេស៊ូវ ។ ពួកគេបានថ្វាយបង្គំ ហើយថ្វាយអំណោយដល់ ទ្រង់ ។ ពួកគេបានទទួលដំណឹងនៅក្នុងសុបិនថា កុំឲ្យត្រឡប់ទៅក្រុងយេរ៉ូសាឡិមវិញ ហើយទូលប្រាប់ស្ដេចហេរ៉ូឌអំពីទីកន្លែងរបស់ព្រះឱរស្ធឡើយ ។ ពួកគេមិនបានត្រឡប់ទៅវិញទេ ។