ជំពូក ២៦
ព្រះយេស៊ូវអត់ទោសដល់ស្ត្រីម្នាក់
មានពួកផារិស៊ីម្នាក់ទូលសូមព្រះអង្គសង្គ្រោះ ឲ្យយាងមកផ្ទះគាត់ ហើយសោយជាមួយនឹងគាត់ ។
មានស្ត្រីម្នាក់បានប្រព្រឹត្តបាបជាច្រើន បានរស់នៅក្នុងក្រុងនោះ ។ នាងបានដឹងថា ព្រះយេស៊ូវកំពុងសោយអាហារនៅក្នុងផ្ទះរបស់ពួកផារិស៊ី ។ នាងចង់ធ្វើអ្វីមួយពិសេសសម្រាប់ព្រះយេស៊ូវ ។
នាងបានលុតជង្គង់ ហើយបានលាងព្រះបាទព្រះអង្គសង្គ្រោះដោយទឹកភ្នែករបស់នាង ។ បន្ទាប់មក នាងបានជូតព្រះបាទទ្រង់ដោយសក់ក្បាលរបស់នាង ហើយនាងបានថើប ។ នាងថែមទាំងបានយកប្រេងក្រអូបលាងផង ។ ពួកផារិស៊ីដែលបានអញ្ជើញទ្រង់មក បានដឹងថា ស្ត្រីរូបនោះបានប្រព្រឹត្តអំពើខុសឆ្គងជាច្រើន ។ គាត់បានគិតថា ព្រះយេស៊ូវមិនគួរអនុញ្ញាតឲ្យស្ត្រីនោះ ពាល់ទ្រង់ឡើយ ។
ព្រះអង្គសង្គ្រោះបានជ្រាបអំពីអ្វីដែលពួកផារិស៊ីម្នាក់នោះកំពុងគិត ។ ទ្រង់បានមានព្រះបន្ទូលប្រាប់ពួកផារិស៊ីម្នាក់នោះថា ស្ត្រីរូបនោះបានប្រព្រឹត្តល្អនឹងទ្រង់ច្រើនជាងគាត់ទៅទៀត ។ ពួកផារិស៊ីម្នាក់នោះពុំបានថ្វាយទឹកដើម្បីលាងព្រះបាទ ឬចាក់ប្រេងលើព្រះសិរសា ដែលជាញឹកញាប់ទង្វើនេះត្រូវប្រព្រឹត្តចំពោះភ្ញៀវឡើយ ។
ព្រះយេស៊ូវបានបន្ទូលប្រាប់ពួកផារិស៊ីម្នាក់នោះថា បាបរបស់ស្ត្រីនោះត្រូវបានអត់ទោសឲ្យហើយ ព្រោះនាងបានស្រឡាញ់ព្រះអង្គសង្គ្រោះ ហើយបានមានសេចក្ដីជំនឿលើទ្រង់ ។ ព្រះយេស៊ូវបានមានបន្ទូលប្រាប់ស្ត្រីនោះឲ្យទៅប្រកបដោយសេចក្ដីសុខ ។
លូកា ៧:៤៧–៥០, គោលលទ្ធិ និង សេចក្ដីសញ្ញា ៥៨:៤២–៤៣, Jesus the Christ, ទំព័រ ២៦២–២៦៣