មនុស្សគួរស្គាល់
- កាព្រីយ៉ែល
-
ទេវតាដែលបានយាងមកជួបម៉ារា ហើយមានបន្ទូលប្រាប់នាងថា នាងនឹងក្លាយជាមាតារបស់ព្រះយេស៊ូវ ។ ទេវតាកាព្រីយ៉ែលក៏បានយាងមកជួបសាការី ហើយបានមានបន្ទូលប្រាប់គាត់ថាគាត់នឹងមានកូនប្រុសម្នាក់ដែលជា យ៉ូហាន បាទីស្ទ ។
- កៃផា
-
សង្ឃជាន់ខ្ពស់សាសន៍យូដា ដែលបានរួមចំណែកក្នុងការធ្វើទុក្ខទោសព្រះយេស៊ូវនៅក្នុងការកាត់សេចក្ដី
- តេប៊ីថា
-
ស្ត្រីសុចរិតម្នាក់ដែលពេត្រុសបានជួយឲ្យរស់ឡើងវិញ
- នីកូដេម
-
មេសាលារបស់សាសន៍យូដាដែលបានជឿថា ព្រះយេស៊ូវគឺជាព្រះអង្គសង្គ្រោះ ។ ព្រះយេស៊ូវបានបង្រៀននីកូដេមអំពីពិធីបុណ្យជ្រមុជទឹក ។
- ប៉ុនទាស-ពីឡាត់
-
អ្នកគ្រប់គ្រងជនជាតិរ៉ូមនៅទីក្រុងយេរ៉ូសាឡិម ។ ពួកសាសន៍យូដាបានជម្រាបពីឡាត់ឲ្យឆ្កាងព្រះយេស៊ូវ ហើយពីឡាត់បានអនុញ្ញាតឲ្យពួកគេធ្វើគុតព្រះយេស៊ូវ ។
- ប៉ុល
-
បុរសម្នាក់ដែលស្អប់ពួកសិស្សរបស់ព្រះយេស៊ូវ រហូតដល់គាត់បានឃើញព្រះយេស៊ូវក្នុងការនិមិត្តមួយ ហើយបានប្រែចិត្តជឿ ។ ក្រោយមក គាត់បានបម្រើព្រះ ហើយបានក្លាយជាសាវកមួយរូប ។ គាត់ក៏ត្រូវបានគេស្គាល់ថាឈ្មោះសុលដែរ ។
- ផារិស៊ី
-
ថ្នាក់ដឹកនាំសាសន៍យូដា ។ ពួកគេភាគច្រើនស្អប់ព្រះយេស៊ូវ និង ពួកសិស្សរបស់ទ្រង់ ។
- ពេត្រុស
-
សាវកមួយរូបក្នុងចំណោមដប់ពីរនាក់របស់ព្រះយេស៊ូវ និង ប្រធាននៃសាសនាចក្របន្ទាប់ពីព្រះយេស៊ូវបានសុគត ។
- ព្រះ
-
អាចសំដៅទៅលើព្រះវរបិតាសួគ៌ ឬ ព្រះយេស៊ូវគ្រីស្ទ
- ព្រះមែស៊ី
-
ព្រះនាមមួយទៀតរបស់ព្រះយេស៊ូវគ្រីស្ទ
- ព្រះយេស៊ូវគ្រីស្ទ
-
ព្រះរាជបុត្រារបស់ព្រះ និង ព្រះអង្គសង្គ្រោះនៃពិភពលោក ។ ទ្រង់បានរងទុក្ខ ហើយបានសុគតជំនួសអំពើបាបយើង ។
- ព្រះវរបិតាសួគ៌
-
ព្រះវរបិតានៃរូបកាយខាងវិញ្ញាណយើង ។ យើងអធិស្ឋានទៅកាន់ទ្រង់ ។
- ព្រះវិញ្ញាណបរិសុទ្ធ
-
សមាជិកមួយអង្គក្នុងក្រុមព្រះ ។ ទ្រង់ជួយព្រះយេស៊ូវគ្រីស្ទ និង ព្រះវរបិតាសួគ៌ ។ ទ្រង់មានព្រះចេស្ដាដើម្បីជួយមនុស្សឲ្យស្គាល់សេចក្ដីពិត ។ ទ្រង់គឺជាវិញ្ញាណ ហើយគ្មានរូបកាយជាសាច់ និង ឆ្អឹងទេ ។
- ព្រះអង្គសង្រ្គោះ
-
ព្រះយេស៊ូវគ្រីស្ទគឺជាព្រះអង្គសង្គ្រោះ ។ ទ្រង់បានរងទុក្ខ ហើយបានសុគតជំនួសអំពើបាបយើង ។ ដោយសារទ្រង់ នោះយើងអាចបានអត់ទោសពីអំពើបាប ប្រសិនបើយើងប្រែចិត្ត ហើយយើងនឹងរស់នៅជារៀងរហូត ។
- ម៉ាត់ធាស
-
សិស្សម្នាក់របស់ព្រះយេស៊ូវដែលត្រូវបានហៅឲ្យកាន់តំណែងជំនួស យូដាស-អ៊ីស្ការីយ៉ុត ក្នុងពួកសាវកដប់ពីរនាក់
- ម៉ារា
-
មាតារបស់ព្រះយេស៊ូវ
- ម៉ារា និង ម៉ាថា
-
បងស្រីៗរបស់ឡាសា និង ជាមិត្តរបស់ព្រះយេស៊ូវ
- ម៉ារា ម៉ាក់ដាឡា
-
មិត្តរបស់ព្រះយេស៊ូវ និង ជាបុគ្គលទីមួយដែលបានឃើញព្រះយេស៊ូវបន្ទាប់ពីទ្រង់បានមានព្រះជន្មរស់ឡើងវិញ
- ម៉ូសេ
-
ព្យាការីក្នុងព្រះគម្ពីរសញ្ញាចាស់
- យូដាស-អ៊ីស្ការីយ៉ុត
-
សាវកមួយរូបក្នុងចំណោមដប់ពីរនាក់របស់ព្រះយេស៊ូវ ។ យ៉ូដាសបានប្រគល់ព្រះយេស៊ូវទៅឲ្យពួកទុច្ចរិតដើម្បីប្រាក់ ៣០ ។
- យ៉ាកុប
-
សាវកមួយរូបក្នុងចំណោមដប់ពីរនាក់របស់ព្រះយេស៊ូវគ្រីស្ទ ។ គាត់គឺជាទីប្រឹក្សាម្នាក់របស់ពេត្រុសបន្ទាប់ពីព្រះយេស៊ូវបានសុគត ។
- យ៉ូសែប
-
ស្វាមីរបស់ម៉ារា ។ យ៉ូសែបបានមើលថែព្រះយេស៊ូវ និង ម៉ារា ។
- យ៉ូសែប ស៊្មីធ
-
នៅពេល យ៉ូសែប ស៊្មីធ នៅក្មេង ព្រះវរបិតាសួគ៌ និង ព្រះយេស៊ូវគ្រីស្ទបានយាងមកជួបគាត់ ។ ទ្រង់ទាំងពីរព្រះអង្គបានមានបន្ទូលប្រាប់គាត់កុំឲ្យចូលរួមសាសនាចក្រណាមួយលើផែនដីនេះឡើយ ព្រោះសាសនាចក្រទាំងនោះបានប្រាសចាកឆ្ងាយពីសេចក្ដីពិត ។ តាមរយៈ យ៉ូសែប ស៊្មីធ នោះសាសនាចក្រដ៏ពិតរបស់ព្រះយេស៊ូវគ្រីស្ទបានស្ដារឡើងវិញនៅលើផែនដី ។
- យ៉ូហាន
-
សាវកមួយរូបក្នុងចំណោមដប់ពីរនាក់របស់ព្រះយេស៊ូវគ្រីស្ទ ។ គាត់គឺជាទីប្រឹក្សាម្នាក់របស់ពេត្រុសបន្ទាប់ពីព្រះយេស៊ូវបានសុគត ។
- យ៉ូហាន បាទីស្ទ
-
ព្យាការីដែលបានធ្វើបុណ្យជ្រមុជទឹកថ្វាយព្រះយេស៊ូវ ។ គាត់គឺជាកូនប្រុសរបស់សាការី និង អេលីសាបិត ។
- យ៉ៃរ៉ុស
-
អ្នកដឹកនាំសាសន៍យូដាម្នាក់នៅកាពើណិម ។ ព្រះយេស៊ូវបានប្រោសកូនស្រីរបស់គាត់ឲ្យរស់ឡើងវិញ ។
- រ៉ូម
-
ប្រជាជនដែលត្រួតត្រាលើដែនដីដែលព្រះយេស៊ូវគង់នៅ អំឡុងទ្រង់មានព្រះជន្ម
- សាការី
-
ឪពុករបស់ យ៉ូហាន បាទីស្ទ
- សាតាំង
-
បុត្រាខាងវិញ្ញាណរបស់ព្រះវរបិតាសួគ៌ ។ វាពុំបានគោរពប្រតិបត្តិតាមព្រះវរបិតាសួគ៌ទេ ដូច្នេះវាត្រូវបានបណ្ដេញចេញពីស្ថានសួគ៌ ។ វាបានក្លាយជាអារក្ស ។ សាតាំងព្យាយាមល្បួងមនុស្សឲ្យធ្វើអ្វីដែលខុសឆ្គង ។
- សាសន៍យូដា
-
សាសន៍អ៊ីស្រាអែលដែលជាចំណែកនៃនគរយូដា ។ ព្រះយេស៊ូវគឺជាសាសន៍យូដា ។
- សាសន៍សាម៉ារី
-
ប្រជានជនមួយក្រុមដែលបានរស់នៅឯដែនដីដែលព្រះយេស៊ូវបានគង់នៅ ។ ជាធម្មតា សាសន៍យូដា និង សាសន៍សាម៉ារីមិនចូលចិត្តគ្នាទេ ។
- សុល
-
សូមមើល ប៉ុល
- ស៊ីម៉ូន
-
បុរសម្នាក់រស់នៅស្រុកសាម៉ារី ។ គាត់បានព្យាយាមទិញបព្វជិតភាពពីពេត្រុស និង យ៉ូហាន ។ ពួកគាត់បានបង្រៀនគាត់ថា មនុស្សមិនអាចទិញបព្វជិតភាពបានទេ ។
- ស៊ីម្មាន
-
បុរសសុចរិតម្នាក់ដែលបានឃើញព្រះឱរសយេស៊ូវនៅព្រះវិហារបរិសុទ្ធនៅទីក្រុងយេរ៉ូសាឡិម ។
- ស៊ីឡាស
-
អ្នកផ្សព្វផ្សាយសាសនា និង មិត្តរបស់ប៉ុល
- ស្ទេផាន
-
អ្នកដឹកនាំសុចរិតម្នាក់នៃសាសនាចក្ររបស់ព្រះគ្រីស្ទ ។ ពួកផារិស៊ីបានសម្លាប់គាត់ ។
- ហេរ៉ូឌ
-
ស្ដេចទុច្ចរិតមួយអង្គដែលបានគ្រប់គ្រងទីក្រុងយេរ៉ូសាឡិម នៅពេលដែលព្រះយេស៊ូវបានប្រសូត ។ ទ្រង់បានសម្លាប់រាល់ទារកនៅទីក្រុងបេថ្លេហិម ដោយសង្ឃឹមថានឹងបានធ្វើគុតព្រះឱរស្ឋយេស៊ូវ ។
- ឡាសា
-
បុរសម្នាក់ដែលព្រះយេស៊ូវបានប្រោសឲ្យរស់ឡើងវិញ
- អាណា
-
ស្ត្រីមេម៉ាយស្មោះត្រង់ម្នាក់ដែលបានឃើញព្រះយេស៊ូវកាលទ្រង់នៅជាទារក ហើយបានបង្រៀនប្រជាជនថា ព្រះយេស៊ូវគឺជាព្រះរាជបុត្រារបស់ព្រះ និង ជាព្រះអង្គសង្គ្រោះ
- អាន៉្នានាស
-
សិស្សម្នាក់របស់ព្រះយេស៊ូវគ្រីស្ទ ដែលបានរស់នៅក្រុងដាម៉ាស ។ គាត់បានប្រសិទ្ធពរឲ្យប៉ុល ហើយបានមើលថែគាត់ បន្ទាប់ពីប៉ុលត្រូវងងឹតភ្នែកក្នុងការនិមិត្តមួយ ។
- អេលីយ៉ាស
-
ព្យាការីក្នុងព្រះគម្ពីរសញ្ញាចាស់
- អេលីសាបិត
-
ម្ដាយរបស់ យ៉ូហាន បាទីស្ទ
- អេសាយ
-
ព្យាការរីក្នុងព្រះគម្ពីរសញ្ញាចាស់ដែលបានចារឹកអំពីព្រះយេស៊ូវ
- អ័គ្រីប៉ា
-
ស្ដេចរ៉ូមដែលគ្រប់គ្រងលើអ៊ីស្រាអែល ។ ប៉ុលបានទូលស្ដេចអ័គ្រីប៉ាអំពីព្រះយេស៊ូវគ្រីស្ទ ។