ជំពូក ២៨
ព្រះយេស៊ូវប្រទានអាហារដល់មនុស្ស ៥០០០ នាក់
មិត្តភក្ដិខ្លះរបស់ យ៉ូហាន បាទីស្ទ បានទូលព្រះយេស៊ូវថា ស្ដេចបានប្រហារជីវិតយ៉ូហាន ។
នៅពេលព្រះយេស៊ូវបានព្រះសណ្ដាប់ឮដូច្នេះ ទ្រង់បានយាងទៅទីកន្លែងមួយនៅឯសមុទ្រកាលីឡេ ដើម្បីបានគង់នៅតែអង្គឯង ។ មនុស្សជាច្រើនបានដឹងថាទ្រង់គង់នៅទីណា ។ មានមនុស្សជាង ៥០០០ នាក់បានដើរតាមទ្រង់ ដោយសង្ឃឹមថា ទ្រង់នឹងត្រាស់បង្រៀនពួកគេ ។
ព្រះយេស៊ូវបានត្រាស់បង្រៀនពួកគេនូវសេចក្ដីជាច្រើន ។ ពេលនោះដល់ម៉ោងបរិភោគអាហារហើយ ប៉ុន្តែមនុស្សភាគច្រើនគ្មានអ្វីនឹងបរិភោគទេ ។ ពួកសិស្សទ្រង់មានបំណងឲ្យព្រះយេស៊ូវមានបន្ទូលប្រាប់បណ្ដាជន ឲ្យទៅទិញអាហារបរិភោគនៅភូមិក្បែរៗនោះទៅ ។
ព្រះយេស៊ូវបានមានបន្ទូលប្រាប់ពួកសិស្ស ឲ្យស្វែងរកថាតើមាននរណាបានយកអាហារមកដែរឬទេ ។ ពួកគេបានរកឃើញក្មេងប្រុសម្នាក់ ដែលមាននំប៉័ងប្រាំដុំ និង ត្រីតូចៗចំនួនពីរកន្ទុយ ។
ព្រះយេស៊ូវបានមានបន្ទូលឲ្យមនុស្សទាំងអស់អង្គុយចុះ ។ ទ្រង់បានប្រសិទ្ធពរដល់នំប៉័ង និង ត្រី ហើយបានកាត់ត្រីនោះជាកង់ៗ ។
ពួកសិស្សក៏បានចែកត្រីនោះឲ្យដល់បណ្ដាជន ។ ចំនួនមានច្រើនជាងគ្រប់គ្រាន់សម្រាប់មនុស្សគ្រប់គ្នាទៅទៀត ។