ជំពូក ៥៨
ស៊ីម៉ូន និង បព្វជិតភាព
មានមនុសជាច្រើននៅស្រុកសាម៉ារីបានឮ ហើយបានជឿលើដំណឹងល្អ ។ ពួកគេបានទទួលពិធីបុណ្យជ្រមុជទឹក ប៉ុន្តែពួកគេពុំមានព្រះវិញ្ញាណបរិសុទ្ធឡើយ ។
ពេត្រុស និង យ៉ូហាន បានធ្វើដំណើរទៅស្រុកសាម៉ារី ។ ពួកគេបានដាក់ដៃលើក្បាលប្រជាជននៅទីនោះ ហើយប្រគល់ឲ្យពួកគេនូវអំណោយទានព្រះវិញ្ញាណបរិសុទ្ធ ។
មានបុរសម្នាក់ឈ្មោះស៊ីម៉ូនបានឃើញពេត្រុស និង យ៉ូហាន កំពុងប្រគល់់អំណោយទានព្រះវិញ្ញាណបរិសុទ្ធ ។ ស៊ីម៉ូនបានដឹងថា សាវកទាំងពីររូបអាចប្រគល់អំណោយទានព្រះវិញ្ញាណបរិសុទ្ធដល់ប្រជាជនបាន ព្រោះពួកគេមានបព្វជិតភាព ។ គាត់ក៏ចង់បានបព្វជិតភាពដែរ ។
គាត់បានផ្ដល់ប្រាក់ដល់ពេត្រុស និង យ៉ូហាន ដើម្បីទិញបព្វជិតភាព ។ ពេត្រុសបានប្រាប់ស៊ីម៉ូនថា គ្មាននរណាម្នាក់អាចទិញបព្វជិតភាពបានឡើយ ។ ព្រះប្រទានបព្វជិតភាពដល់បុរសសុចរិត ។ ពេត្រុសបានដឹងថា ស៊ីម៉ូនមិនមែនជាមនុស្សសុចរិតទេ ។ គាត់បានប្រាប់ឲ្យស៊ីម៉ូនប្រែចិត្ត ។