ជំពូក ២០
ព្រះយេស៊ូវត្រាស់បង្រៀនអំពីការអធិស្ឋាន
ព្រះយេស៊ូវបានត្រាស់បង្រៀនពួកសិស្សរបស់ទ្រង់អំពីរបៀបអធិស្ឋាន ។ ទ្រង់បានមានព្រះបន្ទូលថា មនុស្សខ្លះអធិស្ឋានគ្រាន់តែដើម្បីឲ្យមនុស្សដទៃឃើញគេអធិស្ឋានប៉ុណ្ណោះ ។ ព្រះយេស៊ូវបានបង្រៀនថា ប្រសិនបើអាចធ្វើទៅបាន យើងគួរតែពោលពាក្យអធិស្ឋានផ្ទាល់ខ្លួន នៅទីកន្លែងដែលយើងនៅម្នាក់ឯង ។
ទ្រង់បានមានព្រះបន្ទូលថា មនុស្សខ្លះពោលពាក្យដដែលៗនៅពេលពួកគេអធិស្ឋាន ។ ពួកគេពិតជាពុំយល់អំពីអ្វីដែលពួកគេថ្លែងឡើយ ។ ព្រះយេស៊ូវមានបន្ទូលថា យើងគួរតែអធិស្ឋានដោយអស់ពីចិត្តទូលសូមអ្វីដែលយើងត្រូវការ ។
ព្រះអង្គសង្គ្រោះបានអធិស្ឋានដើម្បីបង្ហាញដល់់ពួកសិស្សរបស់ទ្រង់ អំពីរបៀបអធិស្ឋាន ។ ទ្រង់បានចាប់ផ្ដើមដោយមានបន្ទូលថា « ឱព្រះវរបិតានៃយើងខ្ញុំ … ដែលគង់នៅស្ថានសួគ៌អើយ » ។ ទ្រង់បានមានបន្ទូលសរសើរតម្កើងព្រះវរបិតាសួគ៌ ហើយទូលសូមជំនួយពីទ្រង់ ។ ទ្រង់បានមានបន្ទូលថា « អាម៉ែន » នៅចុងបញ្ចប់នៃសេចក្ដីអធិស្ឋានរបស់ទ្រង់ ។ ក្រោយមក ព្រះយេស៊ូវ បានមានបន្ទូលប្រាប់ឲ្យពួកសិស្សទ្រង់អធិស្ឋាន ទៅកាន់ព្រះវរបិតានៅក្នុងព្រះនាមរបស់ទ្រង់ ។ ទ្រង់បានសន្យាថា ព្រះវរបិតាសួគ៌នឹងឆ្លើយតបការអធិស្ឋានរបស់ពួកគេ ។