“Tipang Abraham,” Mga Paksa at mga Tanong (2023)
Buod
Tipang Abraham
Gumawa si Abraham ng mga tipan sa Diyos nang matanggap niya ang ebanghelyo, nang maorden siya bilang isang mataas na saserdote, at nang pumasok siya sa selestiyal na kasal. Sa mga tipang ito, nangako ang Diyos ng mga dakilang pagpapala kay Abraham at sa kanyang pamilya. Ang mga pagpapalang ito, na umaabot sa lahat ng binhi ni Abraham, ay tinatawag na tipang Abraham.
Kasama sa mga pangakong ginawa kay Abraham ang mga sumusunod:
-
Matatanggap ng kanyang binhi, o mga inapo, ang ebanghelyo at dadalhin nila ang priesthood.
-
Sa pamamagitan ng paglilingkod ng kanyang binhi, “pagpapalain ang lahat ng mag-anak sa mundo, maging ng mga pagpapala ng Ebanghelyo, na mga pagpapala ng kaligtasan, maging ng buhay na walang hanggan.”
Maaaring matanggap ng isang tao ang lahat ng pagpapala ng tipang Abraham—kahit hindi siya literal na inapo ni Abraham—sa pamamagitan ng pagsunod sa mga batas at ordenansa ng ebanghelyo.