“Mga Garment,” Mga Paksa at Mga Tanong (2023)
Buod
Mga Garment
Ang mga adult na miyembro ng Ang Simbahan ni Jesucristo ng mga Banal sa mga Huling Araw na tumatanggap ng endowment ay pumapasok sa mga sagradong pangako, na tinatawag na mga tipan, upang masunod ang pinakamataas na pamantayan ng integridad at katapatan sa Diyos. Bilang bahagi ng pagpasok sa mga tipang ito sa templo, tumatanggap ang mga miyembro ng isang simpleng kasuotang pang-ilalim—na madalas tukuyin bilang “temple garment” o “kasuotan ng Banal na Pagkasaserdote.” Hindi tulad ng iba pang ceremonial clothing na ginagamit sa endowment, ang garment ay panghabambuhay na isinusuot ng mga miyembro sa ilalim ng kanilang damit, na nagsisilbing araw-araw na paalala ng kanilang pakikipagtipan sa Diyos.
Noong unang panahon, iniutos ng Panginoon sa propetang si Moises na gumawa ng espesyal na damit para sa kanyang kapatid na si Aaron at sa iba pa na mangangasiwa sa tabernakulo: “Igagawa mo ng mga banal na kasuotan si Aaron na iyong kapatid para sa kaluwalhatian at kagandahan … upang siya’y italaga sa [pagkasaserdote] para sa akin” Kabilang dito ang panlabas na kasuotan at panloob na kasuotan na napapatungan ng mga sapin-saping damit.
Sa ating panahon ang garment ay naghihikayat ng pagiging disente, pero ang kahalagahan nito ay mas malalim. Para sa mga miyembro ng Simbahan na nakatanggap ng endowment, ipinapaalala sa kanila ng garment ang kanilang kaugnayan sa Diyos, ang kanilang pangakong susundin ang Kanyang kalooban, at ang mga pagpapala at proteksyong ipinangako ng Diyos sa matatapat. Ipinahayag ng Unang Panguluhan ng Simbahan na ang paraan ng pagsusuot ng garment “ay panlabas na pagpapahayag ng ating [personal na] pangako na susundin ang Tagapagligtas.”
May maikling video na mapapanood na nagbibigay ng karagdagang konteksto tungkol sa temple garment at temple ceremonial clothing.
Ang mga karagdagang turo ng mga propeta at apostol ngayon na ukol sa mga kasuotan sa templo ay makikita sa ChurchofJesusChrist.org/temples/prophetic-teachings-on-temples.
Mga Kaugnay na Paksa
Kaugnay na Content
-
Gabay sa Pag-aaral ng Ebanghelyo