Pag-aaral ng Doktrina
Pagbibinyag para sa mga Patay
Buod
Itinuro ni Jesucristo na mahalaga ang binyag sa kaligtasan ng lahat ng nabuhay sa mundo (tingnan sa Juan 3:5). Gayunman, maraming taong namatay nang hindi nabibinyagan. Ang iba ay nabinyagan nang walang wastong awtoridad. Dahil maawain ang Diyos, naghanda Siya ng paraan para matanggap ng lahat ng tao ang mga pagpapala ng binyag. Sa pagsasagawa ng mga proxy baptism para sa mga patay, ibinibigay ng mga miyembro ng Simbahan ang mga pagpapalang ito sa mga pumanaw na ninuno. Pagkatapos ay magpapasiya ang mga indibiduwal na iyon kung tatanggapin nila o hindi ang mga ordenansang isinagawa para sa kanila.
Sinabi ni Jesucristo, “Maliban na ang tao’y ipanganak na muli, ay hindi siya makakakita ng kaharian ng Dios” (Juan 3:5). Maging si Jesucristo mismo ay bininyagan (tingnan sa Mateo 3:13–17).
Maraming taong nabuhay sa mundo ang hindi kailanman narinig ang ebanghelyo ni Jesucristo at hindi nabinyagan. Ang iba ay nabuhay nang hindi lubos na nauunawaan ang kahalagahan ng ordenansa ng binyag. Ang iba naman ay nabinyagan, ngunit hindi ng mga taong may wastong awtoridad.
Dahil Siya ay isang mapagmahal na Diyos, hindi kinukundena ng Panginoon ang mga tao na, bagama’t hindi nila kagustuhan, hindi kailanman nagkaroon ng pagkakataong mabinyagan. Dahil dito, pinahintulutan Niya ang pagbibinyag para sa kanila sa pamamagitan ng proxy. Isang taong nabubuhay, madalas isang inapo na naging miyembro ng Ang Simbahan ni Jesucristo ng mga Banal sa mga Huling Araw, ang binibinyagan para sa yumao. Ginagawa ang gawaing ito ng mga miyembro ng Simbahan sa mga templo sa iba’t ibang dako ng mundo.
Mali ang pagkaunawa ng ilang tao na kapag naisagawa na ang binyag para sa mga patay, nabibinyagan sa Simbahan ang mga pumanaw nang labag sa kanilang kagustuhan. Hindi totoo iyan. Mayroong kalayaan o karapatang pumili ang bawat indibiduwal. Matatamo lamang ng yumao ang mga pagpapala ng binyag kung tatanggapin niya ito at kung pipiliin niyang sundin ang Tagapagligtas habang naroon siya sa daigdig ng mga espiritu. Hindi idinaragdag sa mga membership record ng Simbahan ang mga pangalan ng mga yumao.
Ipinahihiwatig sa Bagong Tipan na ginagawa ang pagbabautismo o pagbibinyag para sa mga patay noong panahon ni Apostol Pablo (tingnan sa I Mga Taga Corinto 15:29). Ipinanumbalik ang ordenansang ito sa pagkakatatag ng Ang Simbahan ni Jesucristo ng mga Banal sa mga Huling Araw.
AnItala ang Iyong mga Impresyon
Mga Kaugnay na Paksa
-
Mga Ordenansa
Pagbibinyag para sa mga Patay sa pamamagitan ng Proxy
-
Gawaing Ginawa Alang-alang sa Iba
Mga Banal na Kasulatan
Mga Reperensya sa Banal na Kasulatan
Resources sa Pag-aaral ng mga Banal na Kasulatan
Mga Mensahe mula sa mga Lider ng Simbahan
Mga Karagdagang Mensahe
Resources sa Pag-aaral
Mga Magasin ng Simbahan
“Paano Binabago ng Family History ang Ating Puso’t Isipan,” Liahona, Pebrero 2015
“Paghahandang Magpabinyag para sa mga Patay,” Liahona, Setyembre 2011
“Ang Pagbisita ng Tagapagligtas sa Daigdig ng mga Espiritu,” Liahona, Hulyo 2003