Im̧ōn Irooj, Tampeļ

Lukkuun im̧ōn Irooj. Irooj ekar iien otemjej jiron̄ armej ro An n̄an kalōk tampeļ ko, m̧ōko rekwōjarjar im ie Ro Rekwōjarjar retōllo̧ke remaron̄ kōm̧m̧ani ceremony im kain̄i ko rekwōjarjar an gospel eo n̄an er make im n̄an ro remej. Irooj ej loļo̧k tampeļ ko An, im rej ijoko jikin kabun̄-jar rekwōjarjar tata.

Em̧ nuknuk ko kajutak in Moses im ro nejin Israel ekar juon tampeļ jidikdik. RiIsrael ro raar kōjerbale ilo iien diwōjļo̧k eo aer jān Ijipt.

Tampeļ eo eļap kar jeļā kake im ba kake ilo Baibōļ eo ej eo kar ekkal in Solomon ilo Jerusalem (2 Kron. 2–5). Kar ko̧kkure ilo 587 M.K. jān riBabilon ro im kar bar ekkal jān Zirubbabel enan̄in jiljilimjuonn̄oul iiō tokālik (Ezra 1–6). Jidikin tampeļ in ekar bwil ilo 37 M.K., im Herod Ļapļap tokālik ar kalōke. RiRom raar ko̧kkure tampeļ eo ilo Ā.K. 70.

Ilo Bok in Mormon, rikaļoor ro rejim̧we an Anij kar tōlļo̧k er n̄an kalōk im kabun̄-jar ilo tampeļ ko (2 Ni. 5:16; Mosa. 1:18; 3 Ni. 11:1). Ekkal im kōjerbale juon tampeļ ilo jekjek eo ekkar rej kakōļļe ko an Kabun̄ em̧ool ilo jabdewōt tōrean bōk eddo, ekitbuuj Kabun̄ eo kar kōjepļaaktok ilo raan kein ad. Kirtland Tampeļ eo ekar tampeļ ko m̧oktata kalōke im ajeļo̧k n̄an Irooj tōrean bōk eddo jab in. Jān wōt iien eo tampeļ ko em̧ōj aji ilo elōn̄ aelōn̄ ko ipeļaakin laļ in.

Ro Rekwōjarjar em̧ōj kar jiron̄ er n̄an kalōke juon tampeļ ilo Missouri, K&B 57:3 (K&B 84:3–5).
Kom̧in kajutake m̧weo im̧ōn Anij, K&B 88:119 (K&B 109:8).
Irooj ar kauweik Ro Rekwōjarjar kōn aer likjab in kalōke juon tampeļ, K&B 95:1–12.
I ban itok ilo tampeļ ko rej jab ekwōjarjar, K&B 97:15–17.
Iaar bōke m̧wiin, im Etan enaaj pād ijin, K&B 110:7–8.
Armej ro an Irooj em̧ōj jiron̄ er n̄an kalōk juon em̧ n̄an Etan iien otemjej, K&B 124:39.
Jerbal eo eļap en kōm̧m̧an ilo tampeļ ko ekitbuuj sili ajri ro n̄an ro jemāer im jineer, K&B 138:47–48.
Jerbal eo eļap ilo raan ko āliktata ekitbuuj kalōki tampeļ ko, K&B 138:53–54.