Rejetake Ritōl ro an Kabun̄ Lale barāinwōt Bōro Wōt Juon, Errā, Juon Wōt Bōro N̄an kaalikkare rejetak n̄an ro rej jerbal ilo kūr ko an Kabun̄ reutiej im ilo ijo kwōj pād ie. Kwōn likūt Joshua im̧aan aolepān jar eo, im leļo̧k n̄an e eddo ilo im̧aan mejaer, Bōn. 27:18–19. Aolep armej raar lam̧ōj, im ba, Anij en lo̧mo̧o̧ren kiin̄ eo, 1 Sam. 10:24. Lōke rikanaan ro An, bwe kom̧in wōrļo̧k, 2 Kron. 20:20. Kom̧in pokake ro ewōr aer pepe ioomi, Hib. 13:17. Kwo naaj lo jouj an Irooj, kōnke kwaar jab ellotaan, 1 Ni. 3:6. Ro raar bōk rikanaan ro rekar jo̧o̧r, 3 Ni. 10:12–13. Kom̧in eo̧ron̄ naan ko an rein jon̄oulruo, 3 Ni. 12:1. Jān ainikiō make ak jān ainikien ro karejera, ej juon wōt, K&B 1:38. Naan ko an kom̧ naaj bōki, āinwōt n̄e jān lo̧n̄iiū make, K&B 21:5. Eo ej bōk ro karejera, ej bōk Eō, K&B 84:35–38. Jabdewōt eo ej bōk Eō, ej bōk ro Iaar jilkinļo̧k er, K&B 112:20. Eļan̄n̄e armej ro Aō reban eo̧ron̄ ainikien ļōm̧arein im Iaar jitōn̄ er, rej jamin jeraam̧m̧an, K&B 124:45–46.