Jerbal in Jipan̄ Lale barāinwōt Iakwe; Welfare Oņaake eo leļo̧k ak jerbal eo kōm̧m̧ane n̄an jipjipan̄ Anij im ro jet. Ilo ad jerbal n̄an ro jet, jej barāinwōt jerbal n̄an Anij. Kāālet n̄an kom̧ rainin wōt kom̧ naaj jerbal n̄an e, Josh. 24:15. Jon̄an wōt ami kar kōm̧m̧an e n̄an rein reddik tata, kom̧ ar kōm̧m̧an e n̄an Eō, Matu 25:35–45. Kom̧in leļo̧k ānbwinnōmi mennin joortak e mour, en̄in ami jerbal ekkar, Rom 12:1. Kōn iakwe kom̧in karejar n̄an doon, Gal. 5:13. Raan ko am̧ renaaj jako ilo jerbal eo an am̧ Anij, 2 Ni. 2:3. N̄e kom̧ij jerbal n̄an armej ro ami kom̧ij jerbal wōt n̄an ami Anij, Mosa. 2:17. Ro rej bōke āneen kallim̧ur reaikuj jerbal n̄an Anij ak naaj pookļo̧k er, Ether 2:8–12. Ro rej jino ilo jerbal eo an Anij reaikuj jerbal kōn aolepān burueer, K&B 4:2. Irooj ar litok kien ko bwe aolep armej reaikuj iakwe im jerbal n̄an E, K&B 20:18–19. Ilo etan Jisōs Kraist kwōn jerbal n̄an Anij, K&B 59:5. N̄a, Irooj, im̧ōņōņō in kautiej ro rej jerbal n̄an Eō, K&B 76:5. Kabun̄-jar n̄an Anij, n̄an E wōt kwōn jerbal, Moses 1:15.