Maron̄ eo n̄an kōm̧m̧an jabdewōt. N̄an wōr kajoor ioon bar juon ak juon men ej n̄an an wōr maron̄ n̄an peek ak kōm̧akūtkūt armej eo ak men eo. Ilo jeje ko rekwōjarjar, kajoor ekkā an ekkejelļo̧k ippān kajoor eo an Anij ak kajoor eo jān lan̄. E ekkā an epaakeļo̧k maron̄ eo an priesthood eo, eo ej mālim ak jim̧we eo n̄an m̧akūtkūt n̄an Anij.
Bwe kōn kōttōpar in Iaar kōjerkaktok eo, n̄an kwaļo̧k ilo kwe kajoor eo Aō, Ex. 9:16 .
Anij ej aō maron̄ im kajoor, 2 Sam. 22:33 .
Jab dāpij em̧m̧an n̄e ej ilo kajoor eo ipeim̧ n̄an kōm̧m̧an e, Jabōn 3:27 .
Em̧ool n̄aij obrak kōn kajoor jān jetōb eo an Irooj, Maika 3:8 .
Kajoor otemjej em̧ōj letok n̄an Eō ilan̄ im ilo laļ, Matu 28:18 .
Rekar kanooj bwilōn̄ kōn katak eo An: bwe An innaan ekar ippān kajoor, Luk 4:32 .
Kōttar wōt ilo jikin kwelo̧k m̧ae n̄an tōre eo kajoor jān lan̄ ej im̧we kom̧, Luk 24:49 .
Jon̄an wōt eo ekar bōk E, n̄an er Eaar leļo̧k kajoor n̄an erom m̧aan ro nejin Anij, Jon 1:12 (K&B 11:30 ).
Kom̧ naaj bōk kajoor, ālikin men en Jetōb Kwōjarjar ej itok ioomi, Jerb. 1:8 .
Ejjeļo̧k bar kajoor a an Anij, Rom 13:1 .
Kajoor an Anij ej kōjparok kom̧ kōn tōmak n̄an lo̧mo̧o̧r, 1 Pit. 1:3–5 .
Men̄e juon em̧m̧aan emaron̄ wōr an kajoor n̄an kōm̧m̧ani jerbal ko rekajoor, eļan̄n̄e ej likōmjāje ilo kajoor eo an make e eaikuj wōtlo̧k, K&B 3:4 .
Kajoor eo n̄an kōm̧m̧an em̧m̧an epād ippān kajjojo armej, K&B 58:27–28 .
Ilo kain̄i ko an Melkizedek Priesthood kajoor eo an anij ej alikkar, K&B 84:19–22 .
Jim̧we ko an priesthood eo rej ekkejelļo̧k wōt ippān kajoor ko an lan̄, K&B 121:34–46 .