Bōro Lale barāinwōt Bar Ļotak, Ļotak jān Anij; Bōro Erup Juon kakōļļeen ļōmņak im kōņaan eo an armej im kakōļļe in jikin eo aolep ikdeelel ko im en̄jake ko rej jebar jān e. Kwōn iakwe Irooj am Anij kōn aolepān būruōm̧, Dut. 6:5 (Dut. 6:3–7; Matu 22:37; Luk 10:27; K&B 59:5). Irooj eaar kappukot juon em̧m̧aan ekkar n̄an būruōn, 1 Sam. 13:14. Armej ej lale ālikin armej, a Irooj ej lale būruōn, 1 Sam. 16:7. E eo erreo pā ko pein im eo būruōn ekwōjarjar enaaj wanlōn̄ļo̧k n̄an toļ in Irooj naaj kōjeraam̧m̧an e, Sam Ko 24:3–5 (2 Ni. 25:16). Āinwōt an juon armej ļōmņak ilo būruōn, ej āindein e, Jabōn 23:7. Ilaija enaaj ukōtļo̧k būruōn ro jemāer n̄an ro nejier, im būruōn ro nejier n̄an ro jemāer, Mal. 4:5–6 (Luk 1:17; K&B 2:2; 110:14–15; 138:47; JS—B 1:38–39). Em̧ōņōņō ro erreo burueer, Matu 5:8 (3 Ni. 12:8). Juon armej ej ekkōnono jān em̧m̧an ak nana eo ilo būruōn, Luk 6:45. Ļoore Nejin kōn aolepān m̧wilaļ in bōro, 2 Ni. 31:13. Kom̧ nan̄in ke kar ļotak jān Anij ilo jetōb im lo oktak in ekajoor ilo būruōmi, Alma 5:14. Katok juon katok n̄an Irooj in juon bōro eo erup im juon jetōb ettā, 3 Ni. 9:20 (3 Ni. 12:19; Ether 4:15; Moro. 6:2). Inaaj ba n̄an eok ilo ļōmņak eo am im ilo būruōm̧ jān Jetōb Kwōjarjar, K&B 8:2.