N̄an make bōjrak jān m̧ōn̄ā im idaak kōn un eo n̄an kepaakļo̧k Irooj im kajjitōk kōjeraam̧m̧an ko An. N̄e ro armej im jar ko rej jitlo̧k, rej aikuj barāinwōt jar n̄an meļeļe ankilaan Anij im kaddōkļo̧k kajoor ilo mour in jetōb. Jitlo̧k iien otemjej ekar juon men eo ritōmak ro rem̧ool rekar kōm̧m̧ane.
Ilo Kabun̄ in rainin, juon Jabōt kajjojo allōn̄ em̧ōj kōjenolo̧ke n̄an un in jitlo̧k. Ilo iien in, ro uwaan Kabun̄ in rej jab m̧ōn̄ā im idaak ium̧win juon tōre in iien. Innām rej ajeļo̧k n̄an Kabun̄ jāān ko renaaj kar juļo̧k n̄an m̧ōn̄ā ko ilo iien m̧ōn̄ā kein. Jāān in etan joortak jān jitlo̧k. Kabun̄ in kōjerbale joortak jān jitlo̧k in n̄an jipan̄ ro rejeram̧ōl im aikuj.