Naan eo kar kōjerbale ilo kajin Grik jinointata m̧eļeļein jan “rum̧ļo̧k” ak “tulo̧k iumwin dān.” Peptaij jān tulo̧k ilo dān jān juon eo ewōr an maron̄ ej kain̄i in ijjino eo an gospel eo im juon mennin aikuj n̄an erom juon uwaan Kabun̄ eo an Jisōs Kraist im Armej ro Rekwōjarjar ilo Raan ko Āliktata. Im̧aaninļo̧k ej tōmak ilo Jisōs Kraist im ukeļo̧k. Aikuj in ļoore ej bōk mennin letok eo an Jetōb Kwōjarjar ilo laajrak in bwe en dipiio (2 Ni. 31:13–14). Peptaij jān dān im Jetōb emennin aikuj m̧okta jān an juon armej deļo̧n̄e aelōn̄ in selestial. Adam ekar eo m̧oktata eaar peptaij (Moses 6:64–65). Jisōs ar barāinwōt peptaij n̄an kakūrm̧ool aolep jim̧we im n̄an kwaļo̧k iaļ eo n̄an aolep armej (Matu 3:13–17; 2 Ni. 31:5–12).
Kōnke aolep ioon laļ ej jab wōr iaļan aer bōke gospel eo ilo mour in, Irooj eaar kōmālim peptaij ko rej kōm̧m̧an ilo etan ro remej. Kōn menin, ro rej bōk gospel in ilo laļ eo an jetōb remaron̄ tōllo̧ke deļo̧n̄ļo̧k ilo Aelōn̄ in Anij.