Chikamu 17
Zvakazarurwa zvakapihwa kuburikidza naJoseph Smith Muporofita kuna Oliver Cowdery, David Whitmer, naMartin Harris, paFayette, New York, muna Chikumi 1829, vasati vatarisa mahwendefa akanyorwa aive nezvinyorwa zveBhuku raMormoni (History of the Church, 1:52–57). Joseph nemunyori wake, Oliver Cowdery, vakanga vadzidza kubva mukududzira mahwendefa eBhuku raMormoni kuti vapupuri vatatu vanokosha vachasarudzwa (tarisa Eta 5:2–4; 2 Nifai 11:3; 27:12). Oliver Cowdery, David Whitmer naMartin Harris vakatumwa nechido chekufemerwa kuti vave vapupuri vatatu vanokosha ivavo. Muporofita akabvunza kuna Ishe, uye chakazarurwa ichi chakapihwa semhinduro kuburikidza neUrimi neTumimi.
1–4, Nerutendo Vapupuri Vatatu vachaona mahwendefa nezvimwe zvinhu zvinoyera; 5–9, Kristu anopa uchapupu hwehutsvene hweBhuku raMormoni.
1 Tarisai, ndinoti kwamuri, munofanira kuvimba nezwi rangu, izvo zvekuti mukazviita nechido chizere chemwoyo, amucharatidzwa bmahwendefa, uye chidzitiro chepachipfuva, cmunondo waRabhani, dUrimi neTumimi, izvo zvakapihwa ekumukoma waJaredhi pagomo, apo paakataura naIshe fvakatarisana, uye nezvinongedzero gzvaishamisa zvakapihwa kuna Rihai ari murenje, pamiganhu yeGungwa hDzvuku.
2 Uye kuburikidza nerutendo rwenyu muchakwanisa kuzviona, kunyangwe nerutendo irworwo rwaive nevaporofita vekare.
3 Uye mushure mekunge mawana rutendo, uye maaona nemaziso enyu, amuchapupura pamusoro pawo, nesimba raMwari;
4 Uye izvi muchazviita kuti muranda wangu Joseph Smith, Mwana, asaparadzwe, kuti ini ndigounza zvinangwa zvangu zvakarurama kuvana vevanhu mubasa rino.
5 Uye imi muchapupura kuti makaaona, semaonerwo aakaitwa nemuranda wangu Joseph Smith, Mwana, nokuti isimba rangu rakaita kuti aaone, uye pamusana pekuti aive nerutendo.
6 Uye akadudzira abhuku, kunyangwe icho bchidimu chandakamuraira, uye saIshe venyu uye naMwari venyu ari mupenyu, ichocho ichokwadi.
7 Nokudaro, makagashira simba rimwechetero, uye nerutendo rwumwecheterwo, uye nechipo chimwechetecho sechake.
8 Uye kana mukaita iyi mirairo yekupedzisira yangu, iyo yandakakupai, amasuwo egehena haazove nesimba pamuri; nokuti bnyasha dzangu dzakakwana kwamuri, uye imi cmuchasimudzwa muzuva rekupedzisira.
9 Uye ini Jesu Kristu, aIshe venyu naMwari venyu, ndazvitaura kwamuri, kuti ndingounza zvinangwa zvangu zvakarurama kuvana vevanhu. Ameni.