Pono e fanoeng ho Moporofeta Joseph Smith le Sidney Rigdon, Hiram, Ohio, ka la 16 Hlakola 1832. Ho lelekella sengoliloeng sa pono ena, nalane ea Joseph Smith ea hlalosa: Ha ke khutla ho tsoa sebokeng sa Amherst, ke ile ka tsoelapele ka phetolelo ea Mangolo a Halalelang. Ho tsoa ts’enolong tse fapaneng tse neng li amohetsoe, ho ile ha hlaka hore lintlha tse ngata tsa bohlokoa malebana le pholoho ea motho li ne li nts’itsoe ka Bibeleng, kapa li lahliloe pele e kopangoa. E hlahile e bonahala hore na ke linnete life tse neng li siiloe, hore haeba Molimo a putsa e mong le e mong ho latela liketso tse entsoeng ka ‘mele, lentsoe ‘Leholimo,’ joaloka ha le reretsoe bakeng sa lehae la bosafeleng la Bahalaleli, le tlameha ho kenyeletsa mebuso e fetang o bonngoe. Ka hoo, … ha re ntse re fetolela Evangeli ea Johanne, ‘na le Moholo Rigdon re ile ra bona pono e latelang.” Ka nako eo pono ena e neng e fanoa, Moporofeta o ne a ntse a fetolela Johanne 5:29.