Kapitulli 57
Njerëz të Ligj Vrasin Stefanin
Kjo i inatosi, shumë udhëheqës hebrenj. Ata i futën Pjetrin dhe Gjonin në burg. Mbreti Herod Agripa e vrau Apostullin Jakob.
Apostujt thirrën shtatë burra të ndihmonin në udhëheqjen e Kishës. Njëri ishte një burrë i drejtë me emrin Stefan. Ai u mësoi ungjillin shumë njerëzve. Disa njerëz të këqij gënjyen dhe thanë se Stefani fliste kundra ligjit hebre. Ata e çuan atë për t’u gjykuar nga udhëheqësit hebrenj.
Stefani u tha udhëheqësve se ata ishin të këqij. Ai tha se ata kishin vrarë Jezu Krishtin, Birin e Perëndisë.
Pastaj Stefani pa lart në qiell dhe pa Atin Qiellor dhe Jezu Krishtin. Kur ai u tregoi udhëheqësve se çfarë pa, ata u inatosën shumë.
Ata e nxorën Stefanin nga qyteti për ta vrarë duke i hedhur gurë. Ata shtruan palltot e tyre te këmbët e një të riu që quhej Saul. Ndërsa Stefani po vdiste, ai i kërkoi Perëndisë ta merrte shpirtin e tij në qiell. Ai i kërkoi Perëndisë gjithashtu të falte ata që po e vrisnin. Pastaj ai vdiq.