Kapitulli 34
Djali me një Shpirt të Keq
Jezusi i tha burrit ta sillte djalin e tij tek Ai. Kur erdhi djali, shpirti i keq e bëri atë të binte në tokë.
Shpëtimtari pyeti për sa kohë shpirti i keq kishte qenë tek djali. Ati tha se ai kishte qenë tek ai qysh në fëmijëri.
Jezusi tha se Ai mund ta shëronte djalin nëse i ati kishte besim. I ati filloi të qante. Ai tha se ai kishte besim. Por ai i kërkoi Jezusit ta ndihmonte atë të kishte edhe më shumë besim.
Jezusi e urdhëroi shpirtin e keq të dilte nga djali dhe të mos shkonte kurrë më tek ai. Shpirti i keq u egërsua. Ai e dëmtoi përsëri djalin. Pastaj ai iu bind Jezusit dhe u largua.
Djali ishte aq i qetë saqë shumë njerëz thanë se ai ishte i vdekur. Por Jezusi e mori nga dora dhe e ndihmoi të ngrihej. Djali u shërua. Shpirti i keq u largua.
Më vonë dishepujt e pyetën Jezusin përse nuk kishin qenë në gjendje ta bënin shpirtin e keq të largohej nga djali. Jezusi u tha atyre që ndonjëherë ata kishin nevojë të agjëronin dhe të luteshin me qëllim që një njeri të shërohej.