Kapitulli 12
Dasma në Kanë
Jezusi e respektonte dhe e donte nënën e Tij. Ai e pyeti atë çfarë donte që Ai të bënte.
Maria u tha shërbëtorëve në dasmë që të bënin çfarëdo që Jezusi do t’u kërkonte të bënin.
Jezusi u tha shërbëtorëve të mbushnin gjashtë shtamba me ujë. Shtambat nxinin nga 68 deri 102 litra secila. Ai pastaj e shndërroi ujin në verë.
Ai u tha shërbëtorëve të merrnin verë nga shtambat dhe t’ia shërbenin të parit të festës.
I pari i festës u befasua kur piu verën. Vera e mirë zakonisht shërbehej në fillim të festës. Por këtë radhë, vera më e mirë ishte shërbyer në fund.
Kjo është mrekullia e parë e shënuar që Jezusi bëri gjatë jetës së Tij në tokë. Ai e bëri atë për të ndihmuar nënën e Tij. Ajo ndihmoi gjithashtu të forcohej besimi i dishepujve të Tij.