Kapitulli 5
Lindja e Jezu Krishtit
Nuk ishte e lehtë për Marien të udhëtonte për në Betlehem. Fëmija i saj do të lindte së shpejti.
Kur Jozefi dhe Maria arritën në Betlehem, të gjitha dhomat ishin mbushur me njerëz. Maria dhe Jozefi duhej të qëndronin në stallë. Stalla është një vend ku mbahen kafshët.
Atje u lind fëmija. Maria e mbështolli Atë me rroba dhe e vuri në një grazhd. Jozefi dhe Maria i vunë fëmijës emrin Jezu.
Natën kur lindi Jezusi, barinjtë po kujdeseshin për dhentë e tyre në fushat pranë Betlehemit. Një engjëll erdhi tek ata. Barinjtë u trembën.
Engjëlli u tha të mos trembeshin. Ai kishte një lajm të mrekullueshëm: Shpëtimtari, Jezu Krishti, ishte lindur në Betlehem. Ata do ta gjenin Atë shtrirë në një grazhd.
Barinjtë shkuan në Bethlehem, ku panë foshnjën Jezus.
Barinjtë ishin të lumtur që shihnin Shpëtimtarin. Ata u treguan njerëzve të tjerë mbi atë që kishin dëgjuar dhe parë.