Kapitulli 32
Pjetri Dëshmon për Krishtin
Dishepujt u përgjigjën se disa njerëz mendonin se Jezusi ishte Gjon Pagëzori. Të tjerë mendonin se Ai ishte një profet i Dhiatës së Vjetër që ishte ngjallur.
Jezusi i pyeti dishepujt e Tij se kush mendonin ata se ishte Ai. Pjetri tha: “Ti je Krishti, Biri i Perëndisë të gjallë.”
Jezusi shpjegoi se dëshmia e Pjetrit nuk kishte ardhur nga të mësuarit prej njerëzve. Dëshmia e tij kishte ardhur nga zbulesa prej Perëndisë.
Jezusi i premtoi Pjetrit se Ai do t’i jepte atij priftërinë dhe autoritetin të udhëhiqte Kishën e Tij. Pastaj Pjetri dhe dishepujt do të kishin autoritetin të ngrinin Kishën e Jezusit në tokë.
Jezusi u tha dishepujve të Tij të mos i tregonin njeriu se Ai ishte Krishti. Së pari, Ai ishte e nevojshme të vuante, të vritej dhe të ngrihej nga vdekja në ditën e tretë.