Kapitulli 35
Samaritani i Mirë
Një ditë, një udhëheqës i hebrenjve e pyeti Jezusin çfarë duhej të bënte për të pasur jetën e përjetshme. Shpëtimtari e pyeti atë se çfarë thoshin shkrimet e shenjta. Udhëheqësi tha se një njeri duhet të donte Perëndinë dhe gjithashtu të donte fqinjin e tij. Jezusi tha se ai ishte i saktë. Pastaj udhëheqësi pyeti: “Po kush është i afërmi im?”
Jezusi u përgjigj duke i treguar burrit një histori. Një ditë një hebre po ecte në rrugë për në qytetin e Jerikos. Hajdutët e grabitën dhe e rrahën atë. Ata e lanë burrin në rrugë thuajse të vdekur.
Shpejt një prift hebre kaloi andej dhe e pa burrin. Prifti kaloi në anën tjetër të rrugës. Ai nuk e ndihmoi burrin.
Një tjetër hebre që punonte në tempull kaloi andej. Ai e pa burrin e plagosur. Por as ai nuk e ndihmoi atë dhe kaloi në anën tjetër të rrugës.
Pastaj një samaritan kaloi atje. Hebrenjtë dhe samaritanët nuk shkojnë mirë. Por kur samaritani e pa burrin, atij i erdhi keq për të. Ai u kujdes për plagët e burrit dhe e veshi.
Lluka 10:33-34; Gjoni 4:9; Udhëzuesi për Shkrimet e Shenjta , “Samaritanët,” f.166
Samaritani e çoi burrin në një han dhe u kujdes për të deri ditën tjetër. Kur samaritani ishte larguar i kishte dhënë para hanxhiut dhe i kishte thënë atij të kujdesej për burrin.
Pasi Jezusi e tregoi këtë histori, Ai e pyeti udhëheqësin hebre se cili nga të tre burrat ishte fqinji i burrit të plagosur.
Udhëheqësi tha se samaritani ishte sepse ai e ndihmoi burrin. Jezusi i tha udhëheqësit hebre të ishte si samaritani.