Kapitulli 3
Lindja e Gjon Pagëzorit
Maria shkoi ta vizitonte Elisabetën. Fryma e Shenjtë i tha Elisabetës se Maria do të ishte nëna e Jezu Krishtit. Maria dhe Elisabeta falënderuan Perëndinë që i bekoi. Maria qëndroi me Elisabetën për rreth tre muaj. Pastaj Maria shkoi në shtëpi në Nazaret.
Lindi djali i Elisabetës. Miqtë dhe familja e saj ishin të lumtur. Ata menduan se fëmija duhet të kishte të njëjtin emër si edhe babai i tij, Zakaria. Por Elisabeta tha se emri i tij duhej të ishte Gjon. Të gjithë u befasuan.
Njerëzit pyetën Zakarian se si duhej të ishte emri i fëmijës. Zakaria akoma nuk mund të fliste, kështu ai shkroi: “Emri i tij është Gjon.”
Pastaj Zakaria ishte përsëri në gjendje të fliste. Ai u mbush me Frymën e Shenjtë. Ai u tregoi njerëzve se Jezu Krishti do të lindej së shpejti dhe se Gjoni do të përgatiste njerëzit për Atë.
Gjoni u rrit për t’u bërë një profet i madh. Ai u mësoi njerëzve mbi Jezu Krishtin.