Kapitulli 53
Jezusi Kryqëzohet
Shumë njerëz i ndoqën ushtarët kur e çuan Jezusin në një kodër pranë Jeruzalemit. Ata e detyruan Atë të ngrinte kryqin e Tij. Ata i gozhduan duart dhe këmbët e Tij në kryq dhe e ngritën lart. Ata kryqëzuan gjithashtu dy burra të tjerë, që ishin hajdutë.
Jezusi u lut. Ai i kërkoi Atit Qiellor të falte ushtarët që e kryqëzuan. Ata nuk e dinin se Ai ishte Shpëtimtari.
Maria, nëna e Jezusit, qëndronte pranë kryqit. Apostulli Gjon ishte atje gjithashtu. Jezusi i tha Gjonit të kujdesej për nënën e Tij. Gjoni e mori nënën e Jezusit në shtëpinë e tij.
Errësira mbuloi vendin. Shpëtimtari vuajti në kryq për shumë orë. Më në fund shpirti i Tij e la trupin e Tij dhe Ai vdiq.
Kur Ai vdiq, një tërmet çau në copa shkëmbinj gjigandë. Një perde në tempull, që quhet vel, u ça në dy pjesë. Ushtarët romak u trembën.
Një nga dishepujt e Jezusit e hoqi trupin e Shpëtimtarit nga kryqi. Ai e mbështolli atë me një rrobë dhe e vendosi në një varr, vendi ku vendosen njerëzit që vdesin. Një gur i madh u rrokullis përpara varrit.