Kapitulli 47
Dhjetë Virgjëreshat
Të dhjetë gratë kishin llamba me vaj. Pesë nga gratë ishin të mençura. Ato kishin marrë vaj rezervë me vete.
Pesë gratë e tjera ishin budallaqe. Ato kishin vetëm vajin që gjendej në llambat e tyre.
Dhëndri nuk erdhi për një kohë të gjatë. Vaji në llambat u mbarua. Pesë gratë e zgjuara kishin vaj tjetër për të mbushur llambat. Pesë gratë budallaqe duhej të shkonin të blinin vaj tjetër.
Ndërsa ato ishin larguar, dhëndri erdhi. Ai i futi pesë gratë e zgjuara në dasmë.
Kur erdhën pesë gratë budallaqe, dera ishte mbyllur. Ato nuk mund të futeshin në dasmë.
Jezusi është si dhëndri në këtë histori. Anëtarët e Kishës janë si dhjetë gratë. Kur Jezusi të vijë përsëri, disa anëtarë do të jenë gati. Ata do t’u jenë bindur urdhërimeve të Perëndisë. Të tjerë nuk do të jenë gati. Ata nuk do të mund të jenë me Shpëtimtarin kur Ai të vijë përsëri.
Mateu 25:13; Doktrina e Besëlidhje 45:56-57; 88:86, 92; Jezusi Krishti, 576-80