Ibyifashishwa Bindi

Igice cya 47: Yesu Kristo Aha Umugisha Abigishwa Be

“Igice cya 47: Yesu Kristo Aha Umugisha Abigishwa Be,” Inkuru zo mu Gitabo cya Morumoni (1997), 131–33

“Igice cya 47,” Inkuru zo mu Gitabo cya Morumoni, 131–33

Igice cya 47

2:43

Yesu Kristo Aha Umugisha Abigishwa Be

Yesu hamwe n’abigishwa be — Umunsi umwe abigishwa bari hamwe biyiriza banasenga, Yesu Kristo aza aho bari.

Kristo avugisha abigishwa — Abigishwa bamubajije uko bakwita Itorero. Yesu yavuze ko rigomba kumwitirirwa kubera ko ryari Itorero rye.

Yesu avugisha abigishwa — Yesu yasobanuriye abigishwa be ko Data wo mu Ijuru yamwohereje ku isi gutanga ubuzima bwe kubw’abantu bose.

Kristo avugana n’abigishwa — Yavuze ko buri wese wihannye, akabatizwa mu izina rye, kandi akubaha amategeko ye azaba umuziranenge imbere ya Data wo mu Ijuru.

Kristo avugana n’abigishwa — Umukiza yabwiye abigishwa be gukora ibintu babonye akora. Yari yaraberetse urugero.

Kristo avuga ku byanditswe bitagatifu — Kandi yababwiye kwandika ibyo babonye n’ibyo bumvise kugira ngo abandi bazabimenye.

Kristo hamwe n’abigishwa — Yesu yabajije abigishwa be icyo bashaka ko abakorera. Icyenda muri bo bashakaga kuzabana nawe nyuma y’ubuzima bwabo ku isi.

Yesu hamwe n’abigishwa — Yesu yabasezeranyije ko ubwo bazagira imyaka 72, ba bazamusanga mu ijuru.

Yesu hamwe n’abigishwa batatu — Abandi bigishwa batatu ntabwo batinyutse gusaba icyo bashaka, ariko Yesu yari akizi. Bashakaga kuguma ku isi ngo bigishe inkuru nziza kugeza Yesu yongeye kugaruka.

Umukiza hamwe n’abigishwa — Umukiza yabasezeranyije ko batazigera bahura n’uburibwe cyangwa agahinda kandi ko batazigera bapfa. Bazigisha abantu inkuru nziza kugeza agarutse.

Yesu agenda — Yesu yakoze kuri buri mwigishwa uretse babandi batatu bari kuguma ku isi. Maze aragenda.

abigishwa batatu bajyanwa mu ijuru — Abigishwa batatu bajyanwe mu ijuru, aho bumvise ndetse babona ibintu byinshi bihebuje. Babashije kumva neza ibintu by’Imana.

abigishwa batatu — Imibiri yabo yarahinduwe kugirango batazapfa.

abigishwa babatiza abandi — Abigishwa batatu bagarutse ku isi maze batangira kwigisha bakanabatiza.

abigishwa batatu mu mwobo muremure — Abanefi b’abagome bajugunye abigishwa batatu mu nzu y’imbohe no mu byobo birebire, ariko ububasha bw’Imana bwabafashije gutoroka.

abigishwa basunikwa mu itanura ry’umuriro — Nyuma yo gusunikwa mu nkongi y’umuriro no mu ndiri y’inyamaswa z’inkazi, nabwo barinzwe n’ububasha bw’Imana.

abigishwa bigisha abantu — Abigishwa batatu bakomeje kwigisha Abanefi inkuru nziza ya Yesu Kristo ku Banefi. Baracyakomeza kwigisha inkuru nziza ye.