Ibyifashishwa Bindi

Igice cya 10: Yakobo na Sheremu

“Igice cya 10: Yakobo na Sharemu,” Inkuru zo nhu Gitabo cya Morumoni (1997), 27–29

“Igice cya 10,” Inkuru zo mu Gitabo cya Morumoni, 27–29

Igice cya 10

2:17

Yakobo na Sheremu

Nefi aha ibisate Yakobo — Mbere y’uko Nefi apfa yahaye murumuna we Yakobo ibisate yari yaranditseho. Yakobo yari akiranutse.

Yakobo yandika ku bisate — Nefi yabwiye Yakobo kwandika ibintu byafasha abantu kwemera Yesu Kristo.

Nefi aha umugisha Yakobo — Nefi yahaye Yakobo ububasha bwo kuba umutambyi mu Itorero no kwigisha Abanefi ijambo ry’Imana.

Yakobo yigisha abantu — Nyuma y’uko Nefi apfuye Abanefi benshi bahindutse abagome. Yakobo yigishije abantu anababwira kwihana ibintu bibi bakoraga.

Sheremu yigisha — Umugabo w’umugome witwa Sheremu yagiye mu Banefi, abigisha kutemera Yesu Kristo.

Sheremu — Sheremu yabwiye abantu ko nta Kristo uzabaho. Abantu benshi bizeye Sheremu.

Sheremu ajya impaka na Yakobo — Yakobo yigishije abantu kwemera Kristo. Sheremu yashakaga kujya impaka na Yakobo no kumwemeza ko nta Kristo uzabaho.

Yakobo na Sheremu — Ukwizera muri Yesu Kristo kwa Yakobo ntikwashoboraga kunyeganyezwa. Yari yarabonye abamarayika kandi yarumvise ijwi rya Nyagasani. Yari azi ko Yesu azaza.

Yakobo ahamiriza Sheremu — Roho Mutagatifu yari kumwe na Yakobo ubwo yahaga Sheremu ubuhamya bwe kuri Yesu Kristo.

Sheremu asaba ikimenyetso — Sheremu yasabye kubona ikimenyetso. Yashakaga ko Yakobo atanga gihamya ko hariho Imana. Yashakaga kubona igitangaza.

Yakobo — Yakobo ntiyasabaga Imana ikimenyetso. Yavuze ko Sheremu yamaze kumenya ko ibyo Yakobo yigishije ari ukuri.

Yakobo na Sheremu — Yakobo yavuze ko Imana iramutse ikubise Sheremu, byaba ari ikimenyetso cy’ububasha bw’Imana.

Sheremu yitura hasi — Sheremu yitura hasi ako kanya. Ntiyabashije guhaguruka mu gihe cy’iminsi myinshi.

Sheremu — Sheremu yari afite intege nke kandi yari azi ko agiye gupfa. Yahamagariye abantu hamwe.

Sheremu aganiriza abantu — Yababwiye ko yari yarabeshye. Yavuze ko bakwiriye kwemera Yesu Kristo.

Sheremu — Nyuma y’uko Sheremu arangije kuganiriza abantu, yarapfuye. Abantu bumvise ububasha bw’Imana, nuko bitura hasi.

Yakobo hamwe n’abandi — Abantu batangiye kwihana no gusoma ibyanditswe bitagatifu. Babaye mu mahoro n’urukundo. Yakobo yari yishimye anamenya ko Imana yari yasubije amasengesho ye.