“Igice cya 45: Yesu Kristo Yigisha ku Isakaramentu n’Isengesho,” Inkuru zo mu Gitabo cya Morumoni (1997), 126–27
“Igice cya 45, Inkuru zo mu Gitabo cya Morumoni, 126–27
Igice cya 45
Yesu Kristo Yigisha ku Isakaramentu n’Isengesho
Yesu Kristo yohereje abigishwa be gushaka umugati na vino. Yabwiye Abanefi kwicara hasi.
Igihe abigishwa bagarukaga, Umukiza yamanyuye wa mugati mu bice byinshi kandi uwuha umugisha. Yahayeho abigishwa be kandi abasaba kugira ibyo baha abantu.
Yesu yavuze ko abantu bafata isakaramentu baba bamwemereye guhora bamwibuka ndetse n’igitambo cye. Noneho bakakira Roho we.
Yesu Kristo yahaye umugisha vino nuko ahaho abigishwa be. Abigishwa bahaye abandi bantu kuri iyo vino.
Yesu yavuze ko abantu bafata ku isakaramentu baba biyemeje kubahiriza amategeko ye.
Yesu yongeye kubwira abigishwa be ko buri muntu ufata isakaramentu kandi agahora amwibuka azagira Roho we.
Yabwiye abigishwa be ko bazabona imigisha nibakurikiza amategeko ye.
Yababwiye guhora basenga kandi bagasenga nk’uko bamubonye asenga.
Umukiza yabwiye Abanefi bose gusenga Data wo mu Ijuru mu izina rye. yabategetse kandi gusengana n’imiryango yabo.
Yabwiye abantu ko bagomba kujya baterana kenshi. Bagomba kujya baha ikaze abandi mu nama zabo, bakabasengera, ndetse bakababera urugero rwiza.
Umukiza yahaye abigishwa be ububasha bwo gutanga Roho Mutagatifu. Maze igihu gitwikira abantu ngo batabona uretse abigishwa bonyine nibo babonye Yesu Kristo azamuka mu ijuru.