Iralaud 4
Kaudiahl kohieng Soukohp Sosep Smith ong semeo, Sosep Smith Sr., nan Harmony, Pennsylvania, Pepuari 1829.
1–4, Sapwellimen Kauno sounpapah kan me kin loaloapwoat kin komourla; 5–6, Ieias en Koht me re pahn tungoaleniki me kin wiahda ren warohng papah; 7, Soahng kan me sang Koht anahnepe en rapahki.
1 Met kilang, doadoahk kesempwal ehu pahn kohdo rehn aramas akan.
2 Eri, kumwail me pahn tapiada amwail papah Koht, kumwail tehk me kumwail pahn papah ih sang nan mohngiongamwail unsek, kehl unsek, madamadau unsek, oh roson unsek, pwe kumwail en kak kesihnen mwakelekel mwohn Koht ni imwin rahno.
3 Eri, ma kumwail inangih papah Koht kumwail malipilipehngehr doadoahko;
4 Pwe kilang mwahto pwetepwetalahr oh konehngehr ansou en nahk; oh kilang, mehmen me pahn sapangki kehlail nah kama, ih me pahn nekinekla pwe e de pahn kamakamala, ahpw e pahn wahdo komour ong palingene;
5 Oh pwoson, koapwoaroapwoar, limpoak unsek, oh limpoak, ianghki kilikilangete kalingenpen Koht, me pahn kiheng en warohng doadoahko.
6 Tamataman pwoson, mwakelekel, eripit, liksang me suwed, kanangamah, kadek pirien, ieiasiki Koht, limpoak unsek, ohpampap, loaloapwoat.
7 Peki, oh ke pahn alehdi; letelet, oh e pahn ritidahnguhk. Ahmen.