Tshooj 22
Kev tshwm sim uas tus Yaj Saub Joseph Smith tau txais, nyob hauv Manchester, New York, lub Plaub Hlis Ntuj hnub tim 16, xyoo 1830. Tau muab txoj kev tshwm sim no los rau lub Koom Txoos vim muaj ib co neeg uas tau ua kev cai raus dej yav tas los es muaj siab xav los koom nrog lub Koom Txoos tiam sis tsis xav ua kev cai raus dej dua.
1, Kev cai raus dej yog ib txoj kev khi lus tshiab thiab kav ib txhis; 2–4, Yuav tsum muaj txoj cai ua kev cai raus dej.
1 Saib seb, kuv hais rau nej tias los ntawm qhov no kuv tau ua kom muab tag nrho tej kev khi lus qub xaus; thiab qhov no yog ib txoj kev khi lus tshiab thiab kav ib txhis li, twb yog qhov uas yeej muaj txij puag thaum chiv keeb los lawm.
2 Yog li ntawd, txawm hais tias ib tug neeg yuav ua kev cai raus dej ib puas zaus los yeej tsis muaj nqis dab tsi rau tus neeg ntawd, vim nej yuav tsis muaj peev xwm nkag tau ntawm lub qhov rooj ti mus rau sab hauv los ntawm Mauxes txoj kev cai, los yog los ntawm nej cov kab ke uas tsis muaj qab hau.
3 Twb yog vim nej cov kab ke uas tsis muaj qab hau es kuv thiaj tau ua kom txoj kev khi lus kawg no thiab lub koom txoos no txhim tsa los rau kuv, twb ib yam li txheej thaum ub.
4 Yog li ntawd, nej cia li nkag ntawm lub qhov rooj mus rau sab haud, ib yam li kuv tau txib, thiab tsis txhob nrhiav kev ntuas nej tus Vajtswv. Amees.