1 Kuv hais tseeb rau koj tias, yog kuv lub siab nyiam uas kuv tus tub qhe Jared Carter yuav tsum mus dua lawm tim tej teb chaws sab hnub tuaj, mus ib qho chaw rau ib qho chaw, thiab ntawm ib lub nroog mus rau ib lub nroog, los ntawm lub hwj chim ntawm txoj kev tsa uas tau muab tsa rau nws, tshaj tawm tej moo zoo siab ntawm kev xyiv fab heev, uas twb yog txoj moo zoo uas kav ib txhis.

2 Thiab kuv yuav xa tus Nplij Siab los rau nws, tus uas yuav qhia qhov tseeb rau nws thiab saib nws yuav tsum mus txoj kev twg.

3 Thiab npaum li uas nws rau siab ntseeg, kuv yuav foom koob hmoov dua rau nws kom tau ntau teg nplej.

4 Yog li ntawd, cia li zoo siab, kuv tus tub qhe Jared Carter, thiab tsis txhob ntshai, koj tus Tswv hais li, tus uas twb yog Yexus Khetos. Amees.