Tshooj 126
Kev tshwm sim uas tus Yaj Saub Joseph Smith tau txais, nyob hauv Brigham Young lub tsev, nyob hauv Nauvoo, Illinois, lub Xya Hli Ntuj hnub tim 9, xyoo 1841. Nyob rau lub sij hawm no Brigham Young yog Thawj Tswj Hwm ntawm Pawg Kaum Ob tug Thwj Tim.
1–3, Tus Tswv qhuas Brigham Young rau nws tej hauj lwm thiab muab nws tso tawm ntawm tej hauj lwm ncig mus txawv teb chaws rau yav tom ntej.
1 Tus tij laug Brigham Young uas sawv daws hlub, tus Tswv hais tseeb li no rau koj tias: Kuv tus tub qhe Brigham Young, ziag no tsis tas kom koj ncaim koj tsev neeg mus li yav tas los, vim tej uas koj tiam pub twb tsim nyog rau kuv lawm.
2 Kuv tau pom koj tej kev khwv thiab kev ua hauj lwm thaum koj ncig mus ua hauj lwm rau kuv lub npe.
3 Yog li ntawd kuv txib kom koj xa kuv txoj lus tawm mus txawv teb chaws, thiab ua tib zoo saib xyuas koj tsev neeg txij lub sij hawm no, txij no mus thiab ib txhis li. Amees.