Tshooj 26
Kev tshwm sim uas tus Yaj Saub Joseph Smith, Oliver Cowdery, thiab John Whitmer tau txais, nyob hauv Harmony, Pennsylvania, lub Xya Hli Ntuj xyoo 1830 (saib cov lus piav lub ntsiab ntawm tshooj 24).
1, Tus Tswv qhia kom lawv kawm vaj lug kub thiab mus tshaj tawm txoj moo zoo; 2, Pom zoo muaj txoj kev cai kom sawv daws pom yeem.
1 Saib seb, kuv hais rau nej tias nej yuav tsum muab nej lub sij hawm fij rau txoj kev kawm vaj lug kub, thiab rau kev mus qhuab qhia, thiab mus txhawb pom zoo rau cov ntseeg nyob hauv Colesville, thiab mus ua liaj ua teb rau hauv thaj av, zoo li yuav tsum ua, ua ntej nej yuav mus rau sab hnub poob mus tsa lub rooj sab laj tom ntej; tom qab ntawd mam li ua rau nej paub saib nej yuav tsum ua dab tsi.
2 Thiab yuav tsum ua txhua yam nyob hauv lub koom txoos los ntawm sawv daws kev pom yeem, los ntawm kev thov Vajtswv heev thiab kev ntseeg loj, vim nej yuav tau txais los ntawm kev ntseeg. Amees.